މިއަދު މެންދުރުފަހާ ހަމައަށް މުޅި ރާއްޖެއަށް މޫސުމް ގޯސްވާނެ: މެޓް އޮފީސް

މޫސުން ގޯސްވާނެ ކަމަށް ލަފާކޮށް މުޅި ރާއްޖެއަށް ވައިޓް އެލާޓް ނެރެފި އެވެ. މެޓް އޮފީހުން ލަފާކޮށްފައިވާ ގޮތުގައި މިއަދު ހެނދުނު 7:45 އިން ފެށިގެން މެންދުރު 13:45 އާ ދެމެދު ރާއްޖޭގެ ހުރިހާ ސަރަޙައްދަކަށްވެސް މޫސުން ގޯސްވާނެއެވެ. އެ ވަގުތުގެ ތެރޭގައި ގަޑިއަކު 19 މޭލާއި 24 މޭލާއި ދެމެދުގެ ބާރުމިނުގައި ވައިޖެހުން އެކަށީގެންވާ ކަމަށާއި އަދި ވިލާގަނޑުގައި ގަޑިއަކު 40 މޭލަށް ވައިގަދަވުން އެކަށީގެންވާ ކަމަށްވެސް ލަފާކޮށްފައިވެ އެވެ. މީގެއިތުރުން ކަނޑުތައްވެސް ގަދަވާނެ ކަމަށް ބުނެފައިވެ އެވެ. އަދި ބޯކޮށް ވާރޭވެހުމާއެކު ގުގުރުން އެކަށީގެންވާ ކަމަށްވެސް ބުނެފައިވެއެވެ.