މާލޭގެ އެއްވެސް ސަރަޙައްދަކުން ޕާކިން ދޫނުކުރުމަށް ސިޓީކައުންސިލަށް ސަރުކާރުން އަންގައިފި

މާލޭގެ އެއްވެސް ސަރަޙައްދަކުން ޕާކިން ދޫނުކުރުމަށް ސިޓީކައުންސިލް ޓްރާންސްޕޯރޓް މިނިސްޓަރީން އަންގައިފި މާލޭ ސިޓީކައުންސިލްއަށް އެކަން އަންގާފައިވާކަން ހާމަކޮށް އެ މިނިސްޓްރީން ގެޒެޓްކޮށްފައިވާ އިއުލާނުގައި ބަޔާންކޮށްފައިވަނީ، މާލޭގެ މަގުތަކުގައި ޢާންމު ބޭނުމަށް އޮންނަ ޖާގަ ކުޑަވެ، މަގުތައް ބޭނުންކުރުމުގައި ދަތިވެފައިވާތީއާއި، އެކި ފަރާތްތަކުން ޒަރޫރީ ބޭނުންތަކަށް އުޅަނދުތަކުގައި މާލޭގެ ތަންތަނަށް ގޮސް، ވަގުތީ ގޮތުން ޕާކުކުރާނެ ޖާގައެއް ނުލިބުމުގެ ދަތިކަންކުރިމަތިވެފައިވާކަމަށެވެ. އެހެންކަމުން އެކަންކަން ހައްލުކުރުމަށް  މިހާރު ފަށާފައިވާ މުހިންމު މަސައްކަތްތަކުގެ ތެރެއިން އަޅާ ފިޔަވަޅެއްގެ ގޮތުން، 23 ސެޕްޓެމްބަރު 2024 ވަނަ ދުވަހުން ފެށިގެން، މާލޭ ސިޓީ ކައުންސިލުން، މާލޭގެ އެއްވެސް ސަރަހައްދަކުން ޕާކިންގ ސްލޮޓް ކުއްޔަށް ނުވަތަ އެނޫންވެސް ގޮތަކަށް ދިނުން ހުއްޓާލުމަށް އެ ކައުންސިލަށް އަންގާފައިވާކަން ޢާންމުކޮށް އަންގައި އިޢުލާނުކުރާކަމަށެވެ. އަދި މާލޭ ސިޓީ ކައުންސިލުން މި ތާރީޚާ ހަމަޔަށް ކުއްޔަށް ދޫކޮށްފައިވާ ސްލޮޓްތަކުގެ މުއްދަތު ހަމަވުމުން، އެ ޖާގަތައްވެސް، އެފަދައިން ނުވަތަ އެ ނޫން ގޮތަކަށް ދޫކުނުކުރުމަށްވެސް އެ ކައުންސިލަށް އަންގާފައިވާނެ ކަމަށް އެ އިޢުލާނުގައި ވެއެވެ.