ޓެކްސީ ގަވާއިދުވެސް ލައިސެންސް ދޫކުރާ ގަވާއިދަށްވެސް ބަދަލު

ޓްރާންސްޕޯޓް މިނިސްޓްރީން ޓެކްސީ ގަވާއިދަށް އިސްލާހު ގެނެސް، ލައިސަންސް ދޫކުރުމުގެ ޝަރުތުތައް ހަރުދަނާކޮށްފި އެވެ. ޓްރާންސްޕޯޓް މިނިސްޓްރީން ގެނައި މި އިސްލާހާއި ގުޅިގެން ޓެކްސީ ލައިސަންސް ދޫކުރުމުގެ ޝަރުތުތައް ވަނީ އިތުރަށް ހަރުދަނާކޮށްފަ އެވެ. ގެނެވުނު އިސްލާހުތަކުގެ ތެރޭގައި، ޓެކްސީ ލައިސަންސް ދޫކުރުމަށް އެދޭ އުޅަނދަކީ ލައިސަންސް ލިބިފައިވާ ޓެކްސީ ސެންޓަރެއްގައި ލިސްޓްކޮށްފައިވާ އުޅަނދެއްކަމުގައި ވާންޖެހޭނެ ކަމަށް ބަޔާންކޮށްފައިވެ އެވެ. މީގެ އިތުރުން، ލައިސަންސަށް އެދޭއިރު އެ އުޅަނދަކީ ޓެކްސީ ސެންޓަރެއްގައި ލިސްޓްކޮށްފައިވާ އުޅަނދެއްކަން އަންގައިދޭ ލިޔުމެއް ހުށަހަޅަންޖެހޭނެ ކަމަށްވެސް ބަޔާންކޮށްފައިވެ އެވެ. މި އިސްލާހުތައް ގެނެވިފައިވަނީ ޓެކްސީ ޚިދުމަތް އިތުރަށް ރަނގަޅުކޮށް، ފަސިންޖަރުންގެ ރައްކާތެރިކަން ކަށަވަރުކުރުމަށް ކަމަށް ޓްރާންސްޕޯޓް މިނިސްޓްރީން ބުނެ އެވެ. އަދި މި އިސްލާހުތަކުގެ ސަބަބުން ޓެކްސީ ސެންޓަރުތަކުގެ ޒިންމާދާރުކަން އިތުރުވެ، ހިދުމަތުގެ ފެންވަރު މަތިވެގެންދާނެ ކަމަށް އެ މިނިސްޓްރީން ބުނެފައިވެ އެވެ.