ރައީސް ޔާމީންގެ ފާޑުކިއުން ފިޝަރީޒް މިނިސްޓަރާއި ޑިފެންސް މިނިސްޓަރަށް

ޕީޕީއެމްގެ ދެ ނައިބު ރައީސުން ކަމަށްވާ އަހުމަދު ޝިޔާމް އަދި ޣައްސާން މައުމޫން އަށް މުހިންމުވީ ވަޒީރުކަން ކަމަށާއި ޕީޕީއެމް އޮޔާ ވަޔާދިޔައިރު ވެސް އަޅާ ނުލެއްވީ އެ ސަބަބާހުރެ ކަމަށް ވިދާޅުވެ ރައީސް އަބްދުﷲ ޔާމީން އަބްދުލްގައްޔޫމް ފާޑުވިދާޅުވެެއްޖެ އެވެ. ރައީސް ޔާމީން މިފަދައިން ވިދާޅުވެފައި ވަނީ ބުރާސްފަތި ދުވަހުގެ ރޭ ފްރޮންޓް އޮފީހުގައި އޮތް ޖަލްސާގައި ވާހަކަދައްކަވަމުންނެވެ. އެގޮތުން 20 ވަނަ ރައްޔިތުންގެ މަޖިލީހުގައި ޕީޕީއެމްގެ އެއްވެސް ކެންޑިޑޭޓެއް ނުނެރުނީ ޕީއެންސީން ނޫނީ އެއްވެސް ކެންޑިޑޭޓެއް ނުނެރެން އަބްދުއްރަހީމް އަދި ރައީސް ޑރ މުހައްމަދު މުއިއްޒު އެންގުމުން ކަމަށް ރައީސް ޔާމިން ވިދާޅުވިއެވެ. ރައީސް ޔާމީން އިތުރަށް ވިދާޅުވީ އެމަނިކުފާނު ޕީޕީއެމްގައި ހުންނެވި އިރު ޕާޓީގެ އެސްޖީ އަކަށް ހުންނެވި ތޮލާލް ޕާޓީގެ ކަންކަމުގައި އުޅުއްވުމަށްވުރެ ބޮޑަށް ދިމްޔާތްގައި ހަރަކާތްތެރިވާން ޖެހުމުން ޕާޓީގެ ކަންކަން ކުރުމަށް ވަގުތީ އެސްޖީއަކަށް މަލީހް ހަމަ ޖެއްސުމުން މަލީހް ޕާޓީން ސަސްޕެންޑްކޮށް ފިޔަވަޅު އަޅަން ފޮނުވި ސިޓީގައި ޝިޔާމް އަދި ޣައްސާން ސޮއިކުރުމުން ދޭހަވީ އެމަނިކުފާނުގެ ނިންމުމަށް އިހުތިރާމް ނުކުރާ މިންވަރު ހާމަވިކަމަށެވެ.