ރައްޔިތުންގެ މަޖިލީހުގެ ރައީސްގެ ރަސްމީ ގެ، މުރައިދޫގޭގެ ވެރިޔަކަށް ނޫސްވެރިޔާ އާދަމް ހަލީމް (މުންޑޫ) ހަަޖައްސައިފި އެވެ.
މުރައިދޫ ގެއަށް މަޖިލިސް ރައީސް، އަބްދުއްރަހީމް އަބްދުﷲ ބަދަލުވެވަޑައިގެންފައި ވަނީ މިދިޔަ ޖުލައި 25ގެ ތެރޭގަ އެވެ. އަދި އޭގެ ތިން ދުވަސް ފަހުން، އެ ގޭގެ ޗީފް އޮފް ސްޓާފްގެ މަގާމަށް އާދަމް ހަލީމް އައްޔަންކޮށްފައިވާކަން މަޖިލިސް އިދާރާއިން މައުލޫމާތު ދެއެވެ.
އެ އިދާރާއިން ބުނީ މަޖިލީހުގެ ގަވައިދުން މަޖިލީހުގެ ރައީސްއަށް ލިބިވަޑައިގަންނަވާ ބާރުތަކުގެ ދަށުން އެ މަގާމަށް އާދަމް ހަލީމް އައްޔަން ކޮށްފައި ވަނީ މިދިޔަ މަހުގެ 28ވަނަ ދުވަހު އެވެ.
