
ކުންފުނިތަކުން ބިދޭސީންގެ ފީ ނުދެއްކުމުގައި ދައުލަތުގެ އިހުމާލު އޮތްކަމަށް އަނާރާ ވިދާޅުވެއްޖެ
ކުންފުނިތަކުން ބިދޭސީންގެ ފީ ނުދެއްކުމުގައި ދައުލަތުގެ އިހުމާލު އޮތްކަމަށް އަނާރާ ވިދާޅުވެއްޖެ
ލިޔުން:
ބިދޭސީ މަސައްކަތްތެރިންގެ ފީތައް ނުދައްކައިގެން ކޮންސްޓްރަކްޝަން އެކި ކުންފުނިތަކުގެ ނަންތަކުގެ ލިސްޓާއި ތަފްސީލުތައް އާންމުކުރިއިރު ދައުލަތުން ވެސް އެ ކުންފުނިތައް މެދުވެރިކޮށް މަސައްކަތް ކުރުވައި ފައިސާ ނުދީ އެބަހުރި ކަމަށް ކ. ހުރާ ދާއިރާގެ މެމްބަރު އަނާރާ ނައީމް ވިދާޅުވެއްޖެ އެވެ.
މި އިސްލާހަށް ބަހުސް ކުރައްވަމުން އަނާރާ ވިދާޅުވީ، ބިދޭސީންނަށް ރާއްޖޭގައި މަސައްކަތް ކުރެވެން ވާނީ ގާނޫނީ މިންގަނޑުގެ ތެރެއިންކަމަށާއި، އެ މީހުންނަށް ގަވައިދުތަކުގެ ބޭރުން ވަޒީފާ އަދާކުރެވިގެން ނުވާނެކަމަށެވެ. މިކަން ހުރިހާ ދިވެހި ރައްޔިތުން ވެސް ގަބޫލު ކުރާއިރު، ސަރުކާރުގެ ފަރާތުން ހުށަހަޅާފައިވާ އިސްލާހުތަކަށް ތާއީދު ކުރާ ސަބަބަކީ ވެސް އެއީކަމަށް އަނާރާ ވިދާޅުވި އެވެ. އަނާރާ ވިދާޅުވީ އިސްލާހުގައި ބިދޭސީންގެ އަދަދު ކަނޑައަޅައި، ދާއިރާތައް ކަނޑައެޅުން ހިމަނާފައިވުމުން އެކަމަށް ވެސް ގިނަ މަޝްވަރާތަކެއް ކުރަން ޖެހޭކަމަށެވެ. ބިދޭސީންނަކީ ވެސް އިންސާނީ ހައްގުތައް ލިބިގެންވާބައެއްކަން ފާހަގަކުރައްވައި އަނާރާ ވިދާޅުވީ ކޮވިޑު-19 ގެ ދުވަސްވަރު ވެސް ވަރަށް ހާލުގައި އުޅެމުން ދިޔަ މީހުން ފެނުނު ކަމަށެވެ.
އަޅުގަނޑުމެންނަށް ކޮވިޑުގެ ތެރޭގައި ވެސް ފެނިގެން ދިޔަ ވަރަށް ހާލުގައި އުޅެމުންދާ ބިދޭސީން ވެސް.. އެއީ އެއްގޮތަކަށް ވެސް ކަންކަން ވެގެން ދާން ޖެހޭ ގޮތެއް ނޫން… ރާއްޖެއިން ބޭރުން ބިދޭސީ މަސައްކަތްތެރިން ގެނެސް އެ މީހުންނަށް ބޭނުންވާ ރައްކާތެރިކަމާއި އަޅާލުން ދޭން ޖެހޭ
ރާއްޖޭގައި ބިދޭސީންގެ އަދަދު މަދު ކުރުމަށް އަމާޒުހިފައި އެކަމަށް މަސައްކަތް ކުރުމަށް އިލްތިމާސް ކުރައްވައި އަނާރާ ވިދާޅުވީ، ދެފަރާތަށް ލިބެންވާ ހައްގުތައް ކަށަވަރު ކުރެވެން ޖެހޭ ކަމަށެވެ.
ދައުލަތަށް ކޮންސްޓްރަކްޝަން ކުންފުނިތަކުން ދައްކަން ޖެހޭ ފީތައް ނުދައްކައި، ހުރި މައްސަލަތަކެއް ފެންމަތިވެ ކުންފުނިތަކުގެ ނަންތަކެއް ދާދިފަހުން އާންމު ކުރުމުން އެކަމަށް އަނާރާ ވިދާޅުވީ ދައުލަތުގެ ފަރާތުން ވެސް މަސައްކަތް ކުރުވާފައި، އެ ކޮންސްޓްރަކްޝަން ކުންފުނިތަކަށް ދޭން ޖެހޭ ފައިސާ ނުލިބި އެބަހުރިކަމަށެވެ. އަދި ވިދާޅުވީ އެގޮތަށް ލިބެން ޖެހޭ ފައިސާ، ވަޒީފާ ދޭ ކުންފުނިތަކަށް ލިބުމުން ބިދޭސީންގެ ފީތައް ދެއްކުމުގައި ފަސޭހަތަކެއްވެ އެ މީހުންގެ ހައްގުތައް ވެސް ކަށަވަރު ކުރެވޭނެކަމަށެވެ.
ފީތަކުގެ މައްސަލައިގައި އަނާރާ މަޖިލީހުގައި ވާހަކަ ދެއްކެވިއިރު، އޭނާއަކީ މަޝްހޫރު ޑްބްލިއު ކޮންސްޓްރަކްޝަންގެ ވެރިމީހާގެ އަނބިކަބަލުންނެވެ. މީގެ އަހަރުތަކެއް ކުރިން ޑަބްލިއު ކޮންސްޓްރަކްޝަނުން ހަދަމުންދިޔަ އިމާރާތެއްގެ މަތިން ބަސްތާއެއް ވެއްޓި ބަންގްލަދޭޝްގެ ކުޑަކުއްޖެއް ކަމަށްވާ ރައުޝަން ޖިއާން ނިޔާވި މައްސަލައިގައި ކުންފުނި ދިފާއު ކުރުމުން އަނާރާއަށް ބޮޑެތި ފާޑުކިއުންތައް ވެސް އަމާޒުވެފައިވެއެވެ.
ޑަބްލިއު ކޮންސްޓްރަކްޝަން ކުންފުނިން މ. ނަލަހިޔާމަންޒިލްގައި ހަދަމުން ދިޔަ އިމާރާތަކަށް ސިމެންތި ބަސްތާއެއް އަރުވަމުން ދަނިކޮށް، ޖިއާންގެ ގަޔަށް އެ ބަސްތާ ވެއްޓި އެ ކުއްޖާ ޑިސެމްބަރު 2018 ގައި ނިޔާވި މައްސަލައިގައި އެ ކުއްޖާގެ މަންމަ އާއި ބައްޕަ ފަރުޒާނާ ހުސެއިނާއި މުހައްމަދު ކަމާލުއްދީން ޖާވިދު ބަދަލު ހޯދަން ޑަބްލިއު ކޮންސްޓްރަކްޝަނާ ދެކޮޅަށް ދައުވާ ވެސް ކުރި އެވެ.
ރާއްޖޭގައި ބިދޭސީންގެ މަސައްކަތަށް ދޫކުރާ ހުއްދަތަަކަށް ދައުލަތަށް ދައްކަން ޖެހޭ ފަރާތްތަކުން އެ ފައިސާ ނުދައްކާތީ 1026 ކުންފުޏެއްގެ ނަމާއި، ދައްކަން ޖެހޭ ފައިސާގެ ތަފްސީލު ހިމެނޭ ލިސްޓެއް ދިވެހި ސަރުކާރުގެ ގެޒެޓުގައި އާންމު ކުރީ މިދިޔަ ހަފްތާގަ އެވެ. ސިޔާސީ މަގާމުތަކުގައި ކުރީ ސަރުކާރުތަކާއި މި ސަރުކާރުގައި ތިބި ބައެއް ބޭފުޅުންގެ ކުންފުނިތަކާއި އެކު ވަކިވަކި ފަރުދުން ވެސް ލިސްޓުގައި ހިމެނެ އެވެ.
އެ މައްސަލައިގައި ގިނަ ކުންފުނިތަކުން ނުރުހުންފާޅުކޮށް ވަނީ، ނަންތައް އާންމު ކުރީ މަޝްވަރާ ކުރުމެއް ނެތިކަމަށް ބުނެފަ އެވެ.
ކިޔުންތެރިންގެ ސަމާލުކަމަށް

ކަތީބުން މަގުހިނގާއިރު ކުނިކަހަންތިބޭ މީހުން އެއްފަރާތަށްޖެހިލައި އިހްތިރާމް އަދާކުރި ޒަމާނުން ފިޅާވަޅު ދަސްކުރަންޖެހޭ: ރައީސް

ހއ ދިއްދޫގަ މަސްތުވާތަކެތީގެ ވިޔަފާރިކުރާ އުމުރުން ދުވަސްވީ މީހަކު ހައްޔަރުކޮށްފި

މިރޭ ބާއްވާ އެއްވުމުގެ މައުލޫމާތު ކުރިން ހިއްސާއެއްނުކުރޭ، ގާނޫނާ ހިލާފު އެއްވެސް އަމަލެއް ހިންގާނަމަ ވަގުތުން ފިޔަވަޅު އަޅާނަން: ފުލުހުން

އަބްދުﷲ ޝާހިދުގެ ބަންދަށް 30 ދުވަސް ޖަހައި

މަސްތުވާތަކެތީގެ މައްސަލައެއްގައި އަންހެނަކާ 3 ފިރިހެނަކު މާލެއިން ހައްޔަރުކޮށްފި

ކުޑަ ކުއްޖަކާ ބެހުނު މައްސަލައެއްގައި އަބްދުﷲ ޝާހިދު ހައްޔަރުކޮށްފި
ޚިޔާލުތައް (0)
މި ލިޔުމަށް އަދި އެއްވެސް ޚިޔާލެއް ޝާއިޢުކުރެވިފައެއް ނެތް. ފުރަތަމަ ޚިޔާލު ފާޅުކުރައްވާ ފަރާތަކަށް ވެލައްވާ!
