ބަންގްލަދޭޝްގެ މަސްރަހު ފިނިވާން ފަށައިފި
ބަންގްލަދޭޝްގެ މަސްރަހު ފިނިވާން ފަށައިފި
ލިޔުން:
ސްޕްރީމް ކޯޓުގެ ހުކުމާއެކު އަމަން ބަލަހައްޓަން އަސްކަރިއްޔާގެ ފައުޖުތައް މަގުތައް ނިކުތުމުން ބަންގްލަދޭޝްގެ މަސްރަހު ފިނިވާން ފަށައިފިއެވެ.
ސަރުކާރުން ވަޒީފާ ދިނުމުގައި ގެންގުޅޭ ކޯޓާ ނިޒާމާ ދެކޮޅަށް ބަންގްލަދޭޝްގެ ކިޔަވާކުދިން ކުރަން ފެށި ވަރުގަދަ މުޒާހަރާ ހޫނުވެ، ފުލުހުންނާއި ދަރިވަރުންގެ ތެރެއިން ބައެއް މީހުން މަރުވެ، އެތައް ބަޔަކު ޒަހަމްވިއެެވެ.
މުޒާހަރާ ގުޅި ގައުމަށް ފެތުރި ވަރުގަދަވާން ފެށުމުން ސްޕްރީމް ކޯޓުން ވަނީ ސަރުކާރުގެ ކޯޓާ ނިޒާމު އުވާލާފައެވެ.
ސްޕްރީމް ކޯޓުގެ މި ނިންމުމާއެކު ގައުމު ހަމައަކަށް އެޅުވުމަށް ކާފިއު ހިންގައި އަސްކަރިއްޔާވަނީ މަގުތަކަށް ނެރެފައެވެ.
ފުލުހުންނަށް ކޮންޓްރޯލް ނުކުރެވުނު މުޒާހަރާތައް، އަސްކަރިއްޔާއިން ވަނީ މައިތިރިކޮށްފައެވެ. އަދި ސްޕްރީމް ކޯޓުގެ ނިންމުމުން، މުޒާހަރާގެ މަގުސަދު ހާސިލްވެއްޖެ ކަމަށް ކަނޑައަޅައި، މުޒާހަރާގެ އިސް ހަރަކާތްތެރިންނާ އަސްކަރިއްޔާގެ ފަރާތުން ވަނީ ބައްދަލުކޮށް ގައުމު ސުލްހަމަސަލަސްކަން ގާއިމްކުރުމަށް މަޝްވަރާކޮށްފައެވެ.
މި ފިޔަވަޅުތަކާއެކު ވަރުގަދަ މުޒާހަރާތައް ވަނީ ހުއްޓުމަކަށް އައިސް މަގުތައް އަމާންވެފައެވެ. އެހެންނަމަވެސް އަދިވެސް ކާފިއު އުވައެއް ނުލައެވެ. އަދި އަސްކަރިއްޔާގެ ހަރަކާތްތައްވެސް ދަށެއް ނުކުރެއެވެ.
ބަންގްލަދޭޝްގެ އަސްކަރިއްޔާ ވަނީ ހަނގުރާމައަކަށް ތައްޔާރުވާ މިންވަރަށް އެލާޓް ލެވަލް މަތިކޮށްފައެވެ.
ކިޔުންތެރިންގެ ސަމާލުކަމަށް
އާރުޑީސީ އާއި ހަވާލުކުރި ލިންކުރޯޑްގެ މަސައްކަތް ޗައިނާ ކުންފުންޏަކާ ހަވާލުކޮށްފި
މަސްތުވާތަކެތީގެ އޮޕަރޭޝަނެއްގައި ނައިފަރާއި އޮޅުވެލިފުށިން ތިންމީހަކު ހައްޔަރުކޮށްފި
ފުވައްމުލައް ސިޓީއަށް މަސްތުވާތަކެތި އެތެރެކުރަން އުޅުނު އުމުރުން ދުވަސްވީ މީހަކު ހައްޔަރުކޮށްފި
މަސްތުވާތަކެތީގެ ނެޓްވޯކެއްގައި އިސްކޮށް ހަރަކާތްތެރިވާ 2 ބެއިން ހައްޔަރުކޮށްފި
މާފުށީގައި ފުލުހުންގެ ވާޖިބަށް ހުރަސްއެޅި 6 މީހަކަށް ދައުވާކުރަން ފޮނުވައިފި
މަސްތުވާތަކެތީގެ ވިޔަފާރިކުރާ 2 މީހަކު ކަނޑުހުޅުދޫއިން ހައްޔަރުކޮށްފި
ޚިޔާލުތައް (0)
މި ލިޔުމަށް އަދި އެއްވެސް ޚިޔާލެއް ޝާއިޢުކުރެވިފައެއް ނެތް. ފުރަތަމަ ޚިޔާލު ފާޅުކުރައްވާ ފަރާތަކަށް ވެލައްވާ!