މާލެ އާއި ހުޅުމާލޭން މިއަދު ކަރަންޓް ކެނޑިދާނެ: ސްޓެލްކޯ

މިއަދު މާލެއާއި ހުޅުމާލޭގެ ބައެއް ސަރަހައްދުތަކުން ކަރަންޓް ކެނޑިދާނެ ކަމަށް ސްޓެލްކޯއިން ބުނެފިއެވެ. ސްޓެލްކޯއިން ބުނީ އެ ކުންފުނީގެ ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތަށް ހުޅުމާލޭ، ފޭސް 1 ގެ ހިތިގަސް މަގު، ހުވަނދުމާ ހިނގުން، ކިނބިގަސް މަގު އަދި ފިލިގަސް މަގު ހިމެނޭ ސަރަހައްދުތަކުން ކަރަންޓް ކެނޑިދާނެ ކަމަށެވެ. މި ސަރަހައްދުތަކުން މިއަދު ކަރަންޓް ކެނޑިދާނެ ކަމަށް ސްޓެލްކޯއިން ބުނެފައިވަނީ ހެނދުނު 10:00 އިން 11:00 އަށެވެ. ހުޅުމާލޭގެ އިތުރުން މާލޭ، ބޮޑުތަކުރުފާނު މަގާއި، ސޯސަން މަގު، އަމީރު އަހުމަދު މަގު، ކަސްތޫރި މަގު، ހިތްފަސޭހަ ގޯޅި އަދި ފިނި ހިޔާ ގޯޅި ހިމެނޭ ސަރަހައްދުތަކުން މިއަދު މެންދުރު ފަހު 14:00 އިން 15:15 އަށް ކަރަންޓް ކެނޑިދާނެ ކަމަށް ވެސް އެ ކުންފުނިން ބުނެފައިވެއެވެ. މި މަސައްކަތުގެ ތެރެއިން ކަރަންޓް ކެނޑިގެން ރައްޔިތުންނަށް ދިމާވެދާނެ ދަތިތަކަށް ސްޓެލްކޯއިން ވަނީ މައާފަށް އެދިފައެވެ.