ކުރީގެ ރައީސް ސޯލިހުގެ މަންމާފުޅު އަވަހާރަވެއްޖެ

ކުރީގެ ރައީސް،އިބްރާހިމް މުހައްމަދު ސޯލިހުގެ މަންމާފުޅު، މުއުމިނާ ހުސައިންފުޅު އަވަހާރަވެއްޖެއެވެ.

އުމުރުފުޅުން 80 އަހަރުގެ މުއުމިނާ އަވަހާރަވީ އޭޑީކޭ ހޮސްޕިޓަލުގައި ފަރުވާ ހޯއްދަވަމުން ގެންދަވަނިކޮށް މިއަދު ހެނދުނުގެ ވަގުތެއްގައެވެ. އޭނާ އާލާސްކަންފުޅާ އުޅުއްވާތާ ގިނަ ދުވަސްތަކެއް ވެފައިވާ ކަމަށް މައުލޫމާތު ލިބިފައިވެއެވެ.

މުއުމިނާ ކުރިން ދިރިއުޅުއްވީ ސްރީ ލަންކާގައެވެ. ރާއްޖެ އެނބުރި ވަޑައިގަތީ އިބޫގެ ވެރިކަމުގެ ކުރީކޮޅެވެ. މުއުމިނާ އަކީ އިބޫގެ އިތުރުން ރައްޔިތުންގެ މަޖިލީހުގެ ހުޅުމާލެ ދާއިރާގެ ކުރީގެ މެންބަރު އަލީ ނިޔާޒާއި، މަޖީދިއްޔާ ސްކޫލުގެ ޕްރިންސިޕަލް އައިމިނަތު ސޯލިހާއި ކުރީގެ ރައީސުން ކަމަށްވާ މައުމޫން އަބްދުލް ގައްޔޫމާއި ރައީސް އަބްދުﷲ ޔާމީންގެ ޕާސަނަލް ސެކްރެޓަރީކަން ވެސް ކުރެއްވި ފާތުމަތު ސޯލިހުގެ ވެސް މަންމާފުޅެވެ. އޭނާގެ ޖުމްލަ ބޭފުޅުން ތިއްބަވާއިރު، އޭގެ ތެރޭގައި ގުރުއާން ހިތުދަސް ތިން ހާޒިފުން ވެސް ހިމެނެއެވެ. https://twitter.com/MDPSecretariat/status/1813797833218363550 ކުރީގެ ރައީސް އިބްރާހީމް މުޙައްމަދު ޞާލިހްގެ މަންމާފުޅު އަވަހާރަވުމުގެ ހިތާމައިގައި އެމްޑީޕީން ވަނީ އެޕާޓީގެ އެންމެހާ މެމްބަރުންގެ ފަރާތުން ރައީސް ޞާލިހަށާއި އެމަނިކުފާނުގެ ޢާއިލާއަށް ތައުޒިޔާ ދަންނަވާފައެވެ.