ގަލޮޅު އުތުރު ދާއިރާގެ މެމްބަރު މުހައްމަދު އިބްރާހީމް (ކުޑޫ) ހުށަހެޅުއްވި މި ކުއްލި މައްސަލައަށް ބަހުސްކުރުމަށް ފާސްވީ 61 މެމްބަރުންގެ ވޯޓާ އެކު އެވެ.
ކަރަންޓް ބިލު ބޮޑުވާ މައްސަލަ ރައްޔިތުންގެ މަޖިލީހުގެ ބަހުސަށް
ކަރަންޓް ބިލު ބޮޑުވާ މައްސަލަ ރައްޔިތުންގެ މަޖިލީހުގެ ބަހުސަށް
ލިޔުން:
ފާއިތުވި މަސްތަކުގެ ކަރަންޓު ބިލުތައް "އިންތިހާއަށް" ބޮޑުވެފައިވާތީ އެކަން ތަހުގީގުކުރުމަށް ގޮވާލާ އިދިކޮޅު އެމްޑީޕީގެ ފަރާތުން ރައްޔިތުންގެ މަޖިލީހަށް މިއަދު ހުށަހެޅި ކުއްލި މައްސަލަ ބަލައިގަނެފި އެވެ.
މައްސަލަ މަޖިލީހުގެ ތަޅުމަށް ހުށަހަޅުއްވައިދެއްވަމުން ކުޑޫ ވިދާޅުވީ ފެނަކާއި ސްޓެލްކޯއިން މިދިޔަ މަސްތަކުގައި ދީފައިވާ ބިލްތައް އިންތިހާއަށް ބޮޑުވެފައިވާ ކަމުގެ ކަންބޮޑުވުން ރައްޔިތުން ދަނީ ފާޅުކުރަމުން ކަމަށެވެ. އެގޮތުން މިދިޔަ އޭޕްރިލްގެ ބިލު ބޮޑުވެގެން ސްޓެލްކޯއިން ރައްޔިތުންނަށް ލުއި ދިން ނަމަވެސް، އޭގެ ފަހުން އައި ބިލުތައް ވެސް ކުރިއަށް ވުރެ ބޮޑު ކަމުގެ ޝަކުވާ ލިބެމުންދާ ކަމަށް މެމްބަރު ވިދާޅުވި އެވެ.
"އެހެންކަމުން ރައްޔިތުންނަށް ކަރަންޓު ބިލަށްވާ ގޮތް ސާފުކޮށްދިނުމަށް އަދި މިކަހަލަ ކަންކަމުގެ ސަބަބުން ރައްޔިތުންނަށް ލިބޭ ދަތި އުނދަގޫ ކަންކަމުގައި ވީހާވެސް އަވަސް ހައްލެއް ހޯއްދަވައިދިނުމަށް ސަރުކާރަށް ގޮވާލާ ރައްޔިތުންގެ މަޖިލީހުގެ ގަވާއިދުގެ 170 ވަނަ މާއްދާގެ ދަށުން މި ކުއްލި މައްސަލަ ހުށަހަޅަން." އޭނާ ވިދާޅުވި އެވެ.
ހުސްވި ޖޫން މަހުގެ ކަރަންޓު ބިލު ބޮޑުވެގެން އާއްމުން ޝަކުވާ ކުރަމުންދާއިރު، އެކަމާ ހިތްހަމަ ނުޖެހުން ފާޅުކޮށް ސްޓެލްކޯގެ މައި އޮފީސް ކުރިމަތީގައި ބަޔަކު އިހުތިޖާޖުވެސް ކުރި އެވެ. އެއާއެކު ސްޓެލްކޯ އިން ވަނީ ކަރަންޓު ބިލާ މެދު ޝަކުވާ އޮތް ނަމަ އެ ޝަކުވާއެއް ވަޓްސް އެޕް ނުވަތަ ޓެލެގްރާމް މެދުވެރިކޮށް ފޮނުވޭނެ އިންތިޒާމް ހަމަޖައްސާފަ އެވެ.
ކިޔުންތެރިންގެ ސަމާލުކަމަށް
އިންޑިއާއާއި ގުޅުން އިތުރަށް ބަދަހިކޮށް އެ ގުޅުން ކުރިއަށް ގެންދަވާނެ ކަމުގެ ޔަޤީންކަން ރައީސް ޑރ މުއިއްޒު ދެއްވައިފި
ރާއްޖޭގެ ޤާނޫނުތަކާއި އުސޫލުތަކުގައި އިސްލާމް ވަންތަކަން ގާއިމްކުރަން މަޖިލީހަށް ހުށަހަޅަނީ
ފުލުހުން ބަލައިފާސްކުރަން ފެށުމުން އަތުގައި އޮތް މަސްތުވާއެއްޗެއް އެއްލާލި މީހަކު ބ މާޅޮހުން ހައްޔަރުކޮށްފި
ކަރަންޓާއި ފެނުގެ ރައްކާތެރިކަން ކަށަވަރު ކުރުމަށް އޭޑީބީ އިން ރާއްޖެއަށް 50 މިލިއަން ޑޮލަރުގެ އެނާޖީ ސެކިއުރިޓީ އިމަޖެންސީ ލޯނެއް ދޫކުރަން ނިންމައިފި
މަސްތުވާތަކެތި ވިއްކާ މީހަކު ހުޅުދޫ އިން ހައްޔަރުކޮށްފި
ތަފާތު ރަށްރަށާއި ތަފާތު ޖަމާޢަތްތަކާއި ތަފާތު ސަގާފަތްތަކުގެ އަހުލުވެރި ޒުވާނުންނަށް ތަޖުރިބާކުރެވެނީ ތަފާތު ޙަޤީޤަތްތަކެއް: ރައީސް
ޚިޔާލުތައް (0)
މި ލިޔުމަށް އަދި އެއްވެސް ޚިޔާލެއް ޝާއިޢުކުރެވިފައެއް ނެތް. ފުރަތަމަ ޚިޔާލު ފާޅުކުރައްވާ ފަރާތަކަށް ވެލައްވާ!