ގަވަރުނަރު މަގާމުން ވަކިކުރަން އެންމެ ފަހުން ކޮމިޓީން ނިންމައިފި
ގަވަރުނަރު މަގާމުން ވަކިކުރަން އެންމެ ފަހުން ކޮމިޓީން ނިންމައިފި
ލިޔުން:
މަރުކަޒީ ބޭންކު، އެމްއެމްއޭގެ ގަވަރުނަރު އަލީ ހާޝިމް މަގާމުން ވަކިކުރަން ރައްޔިތުންގެ މަޖިލީހުގެ ތަޅުމަށް ހުށަހަޅަން، މަޖިލިހުގެ މާލިއްޔަތު ކޮމިޓީން މިއަދު ފާސްކޮށްފި އެވެ.
ހާޝީމް ވަކިކުރަން ރައީސް ޑރ މުހައްމަދު ދެއްވާފައިވާ މި މައްސަލަ ރައްޔިތުންގެ މަޖިލިހަށް ހުށަހެޅުއްވީ މަޖިލިހުގެ ނައިބު ރައީސް އަދި ދިއްގަރު ދާއިރާގެ މެމްބަރު އަހުމަދު ނާޒިމެވެ. އޭނާ މަޤާމުން ވަކި ކުރަން ނިންމާފައިވަނީ ރާއްޖޭގެ އިޤްތިޞާދީ ހާލަތު ރަނގަޅު ކުރުމަށް ގަވަރުނަރުގެ ޒިންމާތަކާއި މަސްއޫލިއްޔަތުތައް އަދާ ނުކުރައްވާ ކަމަށް ވިދާޅުވެއެވެ.
ގަވަރުނަރުކަމުން ހާޝިމް ވަކިކުރަން ފާސްވީ މިއަދުގެ މާލިއްޔަތު ކޮމިޓީގެ އިއްތިފާޤުންނެވެ.
ގަވަރުނަރަށް ޖަވާބުދާރީވުމަށް ކޮމިޓީން ވަނީ ތިން ފުރުސަތެއް ދީފައެވެ. ނަމަވެސް އާލާސްކަންފުޅާ އުޅުއްވާތީ އިއްޔެ އަދި އޭގެ ކުރީ ދުވަހުގެ ބައްދަލުވުމަށް ވެސް ވަޑައިނުގެންނެވޭ ކަން އެމްއެމްއޭއިން ވަނީ އަންގާފައެވެ. މިއަދު ވެސް ކޮމިޓީއަށް ހާޒިރުވެ ވަޑައިނުގަންނަވާ މަޖިލީހަށް ފޮނުވި ސިޓީއެއްގައި ގަވަރުނަރު ވިދާޅުވީ, ކޮމިޓީއަށް ވަޑައިގެން ޖަވާބުދާރީ ނުވެވޭނެ ކަމަށާއި ނަމަވެސް ސުވާލެއް އޮތްނަމަ ސިޓީއިން ޖަވާބު ދެއްވިދާނެ ކަމަށެވެ. އަދި އިއްޔެ މަޖިލީހަށް 14 ޞަފްހާގެ ރިޕޯޓެއް ހުށަހަޅާފައިވާނެ ކަމަށާއި ސުވާލުތަކުގެ ޖަވާބު އޭގެން ލިބޭނެ ކަމަށް ޖަވަރުނަރު ވިދާޅުވިއެވެ.
މަޖިލީހަށް ހާޒިރުވެ ވަޑައި ނުގަތް ނަމަވެސް އިއްޔެ ގަވަރުނަރު ވަނީ ސިޓީއިން ޖަވާބު ދެއްވާފައެެވެ. ކޮމިޓީއަށް ފޮނުވި ސިޓީގައި އޭނާ ވިދާޅުވީ, ސަރުކާރުތަކަށް ގަވަރުނަރުގެ ހައިސިއްޔަތުން ލަފާ ދެއްވާ ކަމަށާއި ނަމަވެސް ސަރުކާރުން އިރުޝާދުތަކުގެ އަޑު ނާއްސަވާ ކަމަށެވެ.
ކިޔުންތެރިންގެ ސަމާލުކަމަށް
ފުލުހުން ބަލައިފާސްކުރަން ފެށުމުން އަތުގައި އޮތް މަސްތުވާއެއްޗެއް އެއްލާލި މީހަކު ބ މާޅޮހުން ހައްޔަރުކޮށްފި
ކަރަންޓާއި ފެނުގެ ރައްކާތެރިކަން ކަށަވަރު ކުރުމަށް އޭޑީބީ އިން ރާއްޖެއަށް 50 މިލިއަން ޑޮލަރުގެ އެނާޖީ ސެކިއުރިޓީ އިމަޖެންސީ ލޯނެއް ދޫކުރަން ނިންމައިފި
މަސްތުވާތަކެތި ވިއްކާ މީހަކު ހުޅުދޫ އިން ހައްޔަރުކޮށްފި
ތަފާތު ރަށްރަށާއި ތަފާތު ޖަމާޢަތްތަކާއި ތަފާތު ސަގާފަތްތަކުގެ އަހުލުވެރި ޒުވާނުންނަށް ތަޖުރިބާކުރެވެނީ ތަފާތު ޙަޤީޤަތްތަކެއް: ރައީސް
މަސްތުވާތަކެތީގެ މައްސަލައެއް ސާބިތުވެ މާއުނގޫދޫ ޒުވާނަކު 25 އަހަރަށް ޖަލަށް ލައިފި
ކުރިއަށް އޮތް 3 ހަފްތާގައި ބޭންކު ތަކަށް ދޫކުރާ ޑޮލަރުގެ މިންވަރު 51 އިންސައްތަ އިތުރުކުރަން އެމްއެމްއޭ އިން ނިންމައިފި
ޚިޔާލުތައް (0)
މި ލިޔުމަށް އަދި އެއްވެސް ޚިޔާލެއް ޝާއިޢުކުރެވިފައެއް ނެތް. ފުރަތަމަ ޚިޔާލު ފާޅުކުރައްވާ ފަރާތަކަށް ވެލައްވާ!