
މިމަހުގެ ފުރަތަމަ 15 ގައި 76،000 އަށްވުރެ ގިނަ ފަތުރުވެރިން ރާއްޖެއަށް
މިމަހުގެ ފުރަތަމަ 15 ގައި 76،000 އަށްވުރެ ގިނަ ފަތުރުވެރިން ރާއްޖެއަށް
ލިޔުން:
މިމަހުގެ ފުރަތަމަ 15 ގެ ނިޔަލަށް ރާއްޖެއަށް 76،000 އަށް ވުރެ ގިނަ ފަތުރުވެރިން އަތުވެއްޖެއެވެ.
ޓޫރިޒަމް މިނިސްޓްރީން އާންމުކޮށްފައިވާ ތަފާސް ހިސާބުތައް ދައްކާގޮތުން މި މަހުގެ 15 ގެ ނިޔަލަށް 76،837 ފަތުރުވެރިން ވަނީ ރާއްޖެ އައިސްފައެވެ. މިއާއެކު އަހަަރުގެ މިހާތަނަށް ރާއްޖެ ޒިޔާރަތް ކުރި ފަތުރުވެރިންގެ އަދަދު ވަނީ 1،092،366 އަށް އަރާފައެވެ.
އެގޮތުން، މިދިޔަ އަހަރުގެ ޖުލައި މަހަށް ބަލާއިރު، ރާއްޖެއަށް 68،723 ފަތުރުވެރިން އައިއިރު، މިއީ މިދިޔަ އަހަރާ އަޅާކިޔާއިރު %11.8 ގެ އިތުުރުވުމެކެވެ. އަދި މިދިޔަ އަހަރުގެ މި މުއްދަތުގައި ރާއްޖެ ޒިޔާރަތް ކުރި ފަތުރުވެރިންގެ އަދަދަކީ 998،330 އެވެ.
ރާއްޖެއަށް މިހާރު އެންމެ ގިނަ ޓޫރިސްޓުން އަންނަ 10 ގައުމަށް ބަލާއިރު، އެއް ވަނައިގައި އޮތީ ޗައިނާއެވެ. އެ ގައުމުން އައި ޓޫރިސްޓުންގެ އަދަދު 136،728 އަށް އަރައެވެ. ދެވަނައިގައި ރަޝިއާ އޮތީ 114،981 ޓޫރިސްޓުންނާ އެކީގައެވެ. އަދި ތިން ވަނައިގައި އޮތް އިނގިރޭސިވިލާތް 98،775 ޓޫރިސްޓުންނާ އެކު އޮތްއިރު، ހަަތަރު ވަނައިގައި އޮތް އިޓަލީން ރާއްޖެއަށް 83،460 ފަތުރުވެރިން އައިސްފައިވެއެވެ.
ދުވާލެއްގެ މައްޗަށް މިހާރު ރާއްޖެއަށް ޒިޔާރަތްކުރަނީ 5،545 ފަތުރުވެރިން ކަމަށްވާއިރު، މިއީ ކޮންމެ އަހަރެއްގައިވެސް ރާއްޖެއަށް ފަތުުރުވެރިން އެންމެ މަދުން އަންނަ ދުވަސްވަރުކަން ފާހަގަކުރެވެއެވެ.
ޓޫރިޒަމް މިނިސްޓްރީން ކުރިން ބުނެފައިވާ ގޮތުގައި ރާއްޖޭގެ މި އަހަރުގެ ޓާގެޓަކީ 2.3 މިލިއަން ޓޫރިސްޓުން ގެނައުމެވެ.
ކިޔުންތެރިންގެ ސަމާލުކަމަށް

މިރޭ ބާއްވާ އެއްވުމުގެ މައުލޫމާތު ކުރިން ހިއްސާއެއްނުކުރޭ، ގާނޫނާ ހިލާފު އެއްވެސް އަމަލެއް ހިންގާނަމަ ވަގުތުން ފިޔަވަޅު އަޅާނަން: ފުލުހުން

އަބްދުﷲ ޝާހިދުގެ ބަންދަށް 30 ދުވަސް ޖަހައި

މަސްތުވާތަކެތީގެ މައްސަލައެއްގައި އަންހެނަކާ 3 ފިރިހެނަކު މާލެއިން ހައްޔަރުކޮށްފި

ކުޑަ ކުއްޖަކާ ބެހުނު މައްސަލައެއްގައި އަބްދުﷲ ޝާހިދު ހައްޔަރުކޮށްފި

ރަތްޔިތުންގެ ވޯޓަކާ ނުލައި ރަސްމާލެ ވިއްކާލާނަމަ އިހުތިޖާޖުކުރަން އެމްޑީޕީ އިން ނިންމައިފި

އިޓްލޮސް މައްސަލާގައި ކަނޑުން ބައެއް ގެއްލުނީ އިހުމާލުންތޯ ބަލަން ކޮމިޝަނެއް އުފައްދައިފި
ޚިޔާލުތައް (0)
މި ލިޔުމަށް އަދި އެއްވެސް ޚިޔާލެއް ޝާއިޢުކުރެވިފައެއް ނެތް. ފުރަތަމަ ޚިޔާލު ފާޅުކުރައްވާ ފަރާތަކަށް ވެލައްވާ!
