
ސޮއިކޮށްފައި ހުރި މަޝްރޫއުތައް ވެސް ކުރިއަށް ގެންދާނެ ފައިސާއެއް ނެތް: މުއްތަލިބު
ސޮއިކޮށްފައި ހުރި މަޝްރޫއުތައް ވެސް ކުރިއަށް ގެންދާނެ ފައިސާއެއް ނެތް: މުއްތަލިބު
ލިޔުން:
މިހާރު ސޮއިކޮށްފައިވާ މަޝްރޫއުތައް ވެސް ކުރިއަށްގެންދަން ފައިސާއެއް ނެތް ކަމަށް ކޮންސްޓްރަކްޝަން މިނިސްޓަރު އަބްދުﷲ މުއްތަލިބު މިއަދު ވިދާޅުވެއްޖެ އެވެ.
މިނިސްޓަރު އެހެން ވިދާޅުވީ، ރައްޔިތުންގެ މަޖިލީހުގެ ޖަލްސާ އަށް ހާޒިރުވެވަޑައިގެން މެމްބަރަކު ކުރެއްވި ސުވާލަށް ޖަވާބުދެއްވަމުން ނެވެ.
މުއްތޮލިބް ވިދާޅުވީ، މިއަހަރަށް ފާސްކޮށްފައިވާ ބަޖެޓުގައި މިނިސްޓްރީގެ ދަށުން ހުރި މަޝްރޫއުތައް ކުރިއަށް ގެންދިއުމަށް 9 ބިލިއަން ރުފިޔާ ބޭނުންވާނެ ކަމަށެވެ. އަދި މިއަހަރު ސޮއިކުރި މަޝްރޫއުތައް ހިންގަން ބޭނުންވާނަމަ ވެސް، 7 ބިލިއަނަށް ވުރެ ގިނަ ރުފިޔާ ބޭނުންވާނެ ކަމަށެވެ. އޭނާ ވިދާޅުވީ މިހާރު ލިބިފައިވާ ފައިސާއިން ސޮއިކޮށްފަ ހުރި މަޝްރޫއުއެއްވެސް ކުރިއަށް ނުގެންދެވޭނެ ކަމަށެވެ.
"ނަމަވެސް ބަޖެޓުގައި އަޅުގަނޑުމެންނަށް ލިބިފައި ހުރީ ގާތްގަނޑަކަށް 5 މިލިއަނާ ގާތްކުރާ އަަދަދަކަށް. އެހެންމަ މިހާރު ސޮއިކޮށްފައި ހުރި މަޝްރޫއުތައް ވެސް ކުރިއަށްގެންދެވޭ ވަރަކަށް ފައިސާއެއް ނެތް" އޭނާ ވިދާޅުވި އެވެ.
މިނިސްޓަރު ވިދާޅުވި ގޮތުގައި ގިނަ މަޝްރޫއުތައް ހިންގޭނީ ދަރަނި ނަގައިިގެން ފައިސާ ހަމަޖެހުމުން ކަމަށެވެ. އަދި އެކަން ކުރެވޭނީ ސަރުކާރަށް އެ ފައިސާ ހޯދިގެން ކަމަށެވެ.
"ބަޖެޓުގައި 49 މިލިއަން ރުފިޔާ ފާސްކޮށްފަ އިނަސް، އޭގެ ވަރަށް ބޮޑު ބަޔަކީ ދަރަނި ނަގައިގެން ހަމަޖައްސަން ހުރި އެއްޗެހި. އެހެންމަ ފިނޭންސް މިނިސްޓްރީން އެ ފައިސާ ރެއިޒްކުރެވުނީމަ ނޫނީ އަޅުގަނޑުމެންނަށް ހަރަދެއް ނުކުރެވޭނެ" މިނިސްޓަރު ވިދާޅުވި އެވެ.
ކިޔުންތެރިންގެ ސަމާލުކަމަށް

އަބްދުﷲ ޝާހިދުގެ ބަންދަށް 30 ދުވަސް ޖަހައި

މަސްތުވާތަކެތީގެ މައްސަލައެއްގައި އަންހެނަކާ 3 ފިރިހެނަކު މާލެއިން ހައްޔަރުކޮށްފި

ކުޑަ ކުއްޖަކާ ބެހުނު މައްސަލައެއްގައި އަބްދުﷲ ޝާހިދު ހައްޔަރުކޮށްފި

ރަތްޔިތުންގެ ވޯޓަކާ ނުލައި ރަސްމާލެ ވިއްކާލާނަމަ އިހުތިޖާޖުކުރަން އެމްޑީޕީ އިން ނިންމައިފި

އިޓްލޮސް މައްސަލާގައި ކަނޑުން ބައެއް ގެއްލުނީ އިހުމާލުންތޯ ބަލަން ކޮމިޝަނެއް އުފައްދައިފި

ސްކޭމްކޮށްގެން ފައިސާ ފޭރޭ ކަމުގެ ތުހުމަތުގައި 4 މީހަކު ހައްޔަރުކޮށްފި
ޚިޔާލުތައް (0)
މި ލިޔުމަށް އަދި އެއްވެސް ޚިޔާލެއް ޝާއިޢުކުރެވިފައެއް ނެތް. ފުރަތަމަ ޚިޔާލު ފާޅުކުރައްވާ ފަރާތަކަށް ވެލައްވާ!
