ތަރައްގީއަށް އޮތް އެންމެ ބޮޑު ހުރަހަކީ ކޮރަޕްޝަން ކަމަށް ޕީޖީ ޝަމީމު ވިދާޅުވެއްޖެ
ތަރައްގީއަށް އޮތް އެންމެ ބޮޑު ހުރަހަކީ ކޮރަޕްޝަން ކަމަށް ޕީޖީ ޝަމީމު ވިދާޅުވެއްޖެ
ލިޔުން:
ދިވެހިރާއްޖޭގެ ތަރައްޤީއަށް ކުރިމަތިވެފައިވާ އެންމެ ބޮޑު މައްސަލައަކީ، ކޮރަޕްޝަން ކަމަށް ޕްރޮސެކިއުޓަރ ޖެނެރަލް (ޕީޖީ) ހުސެއިން ޝަމީމް ވިދާޅުވެއްޖެއެވެ.
ޝަމީމް ވިދާޅުވީ، މިފަދަކަންކަން ހައްލު ކުރެވިގެންދާނީ ކޮންމެ އިދާރާއެއް ވަކިން، އަދި ހުރިހާ އިދާރާއެއްގައިވެސް ކޮރަޕްޝަން ނައްތާލުމަށް ހަރުދަނާ މަސައްކަތެއް ކޮށްގެން ކަމަށާއި އަދި އެ މަސައްކަތްކުރާކަމާއި އެ މަސައްކަތާއިމެދު އިދާރާތަކުން ސީރިއަސްކަން ރައްޔިތުންނަށް ފެނި، އިހުސާސް ކުރެވިގެން ކަމަށް ވަނީ ފާހަގަކޮށްފައެވެ.
މީގެ އިތުރުން ކޮރަޕްޝަން ނައްތާލުމަށް ތިން ބާވަތެއްގެ މަސައްކަތް ޕީޖީ އޮފީހުން ކުރާ ކަމަށާއި، އެގޮތުން ފުރަތަމަ ކަމެއް ގޮތުގައި އޮފީހުގެ މަސައްކަތަށް މީހުން ބަރޯސާނުވެ، ނިޒާމުތަކަކަށް ބަރޯސާވާ އުޟޫލު ވަކި ތަރުތީބަކުން އަތުރައިލުން ހިމެނޭކަމަށް ވަނީ ވިދާޅުވެފައެވެ.
ޕީޖީ ޝަމީމު ވިދާޅުވީ، ޕީޖީ އޮފީހުން ނިންމާއި ކޮންމެ ނިންމުމަކީވެސް ލިޔެފައިހުރި އުޟޫލުތާކާއި އެސްއޯޕީތަކެއްގެ މައްޗަށް، މަދުވެގެން 3 މީހުންގެ ބައިވެރިވުން ހިމެނިގެން ނިންމާ ނިންމުމަކަށް ހެދުން ކަމަށެވެ. އަދި އެކަމުގެ ސަބަބުން ކޮރަޕްޓް ވެގެންދާ ހާލުގައިވެސް 3 މީހުން އެއްކޮށް ކޮރަޕްޓްވެގެން ދާނެ ކަމަށް ވަނީ ވިދާޅުވެފައެވެ. އަދި އެކަން އެހެން އޮވެއްޖެނަމަ ކޮރަޕް ވުމަށްވުރެން ނުވުން ގާތްކަމަށް ވަނީ ވިދާޅުވެފައެވެ.
ކޮރަޕްޝަން ހުއްޓުވުމަށް ދެވަނަ ކަމެއް ގޮތުގައި ވިދާޅުވެފައިވަނީ ކޮންމެ މަސައްކަތެއް ކުރާ މީހަކުވެސް، އަހަރަކު އެއް ފަހަރު ބަދަލުވުން ކަމަށެވެ. މަސްތުވާތަކެތީގެ މައްސަލަތަކުގައި މަސައްކަތްކުރާ ޕްރޮސިކިއުޓަރ، މިއަންނަ އަހަރު ޖިންސީ ކުށުގެ މައްސަލަތަކުގައި މަސައްކަތްކުރަން ޖެހިދާނެކަމަށާއި އެކަމުގެ ބޭނުމަކީ ކޮރަޕްޓް ނެޓްވަރކެއް އުފެދުމަށް ފުރުޞަތުވެސް ނުދިނުންކަމަށް ވަނީ ވިދާޅުވެފައެވެ.
ތިންވަނަ ނިޒާމެއްގޮތުގައި ފާހަގަކޮށްފައިވަނީ، މަޢުލޫމާތު ހާމަކުރުމެވެ. އެގޮތުން ޕީޖީ އޮފީހުގެ ފަލްސަފާއަކީ، ކޮންމެ ކަމެއްގެ އަޞްލަކީވެސް ހާމަކުރުންކަމަށާއި އެހެން ގޮތަކަށް ޤާނޫނުގައި ނުވަތަ މައްސަލައެއްގައި އަނިޔާ ލިބުނު މީހެއްގެ ޙާއްސަ މަސްލަހަތެއް ނެތްނަމަ، ހުރިހާ މަޢުލޫމާތެއް އާންމު ކުރުން ކަމަށާއި މައުލޫމާތު އާންމުނުކޮށް ޖަވާވުދާރީކުރުވުމަކީ ކުރެވޭނެ ކަމެއް ނޫންކަމަށް ޝަމީމް ވަނީ ވިދާޅުވެފައެވެ. އަދި ޕީޖީ އޮފީހުގައި އޮތީ ނިޒާމުތަކަށް ބަރޯސާވާގޮތަށް މަސައްކަތް ބައްޓަން ކުރުން ކަމަށާއި ކޮރަޕްޓް ނެޓްވޯރކްތައް ނައްތާލައި، މައުލޫމާތު އާންމު ކުރުމުގެ މާހައުލުގެ ތެރޭގައި ކޮރަޕްޝަން ދިރިއެއް ނޯވެވޭނެ ކަމަށް ވަނީ ވިދާޅުވެފައެެވެ.
ކިޔުންތެރިންގެ ސަމާލުކަމަށް
ރާއްޖޭގެ އިސްތިގުލާލު ގެއްލި މިނިވަންކަމަށް ބުރޫ އަރާނީ ވެރިކަމުގަ މިހާރު ތިބި ގަމާރުންނަށް ތަނެއްދޮރެއް ނޭނގޭތީ: ރައީސް ނަޝީދު
އެމްޑީޕީ ކޮންގްރެސްގެ ބައިވެރިންނާ ބައްދަލުކޮށް، އެޕާޓީގެ އަސާސީ ޤަވާއިދަށް ފައްޔާޒް ހުށަހަޅާ އިސްލާހުތަކާ ގުޅޭ މައުލޫމާތު ދެއްވައިފި
އެމްޑީޕީ ރިޔާސީ ޕްރައިމަރީގައި ވާދަކުރައްވާނެ ކަމަށް ހާމަކުރެއްވި ބޭފުުޅުންގެ ތެރެއިން ރަސްމާލެ ވިއްކާލުމާ ފާޅުގަ ދެކޮޅު ހަދަން ކެރިވަޑައިގަތީ ފައްޔާޒަށް އެކަނި: އަކްރަމް
އެމްޑީޕީގެ ވެރިކަމުގައި ޢާންމު ނުވާ މިންވަރަށް މަގުތައްމަތީ އޮރިޔާން އާންމުވެއްޖެ: ޝެއިޙް ޒަމްޒަމް ފާރިޝް
އީގަލް ހިލްސް ވެބްސައިޓުގަ ހާމަކޮށްފައިހުރި ސަރުކާރުން ހާމަނުކުރާ ބައެއް މައުލޫމާތު ކޮންމެވެސް ސަބަބަކާހުރެ އީގަލް ހިލްސްގެ ވެބްސައިޓުން ނަގައިފި
އީގަލް ހިލްސް ޕްރޮޖެކްޓުގެ ވަށައިގެންވާ ހުރިހާ ކަމެއް ރައްޔިތުންނަށް ހާމަކޮށްފައިނޫނީ އެ މަޝްރޫއު ކުރިއަށް ނުގެންދަން ފައްޔާޒު ގޮވާލައްވައިފި
ޚިޔާލުތައް (0)
މި ލިޔުމަށް އަދި އެއްވެސް ޚިޔާލެއް ޝާއިޢުކުރެވިފައެއް ނެތް. ފުރަތަމަ ޚިޔާލު ފާޅުކުރައްވާ ފަރާތަކަށް ވެލައްވާ!