
ސިހުރުގެ މައްސަލަ ހުށަހެޅުއްވީ ރައީސެއްނޫން: ތަރުޖަމާނު ހީނާ
ސިހުރުގެ މައްސަލަ ހުށަހެޅުއްވީ ރައީސެއްނޫން: ތަރުޖަމާނު ހީނާ
ލިޔުން:
ރައީސުލްޖުމްހޫރިއްޔާ ޑރ.މުހައްމަދު މުއިއްޒުއަށް ސިހުރު ހެއްދެވިކަމަށް ބުނާ މައްސަލަ ކަމާބެހޭ މުއައްސަސާއަށް ހުށަހެޅުއްވީ ރައީސް ޑރ.މުހައްމަދު މުއިއްޒުގެ ފަރާތްޕުޅުން ނޫންކަމަށް އެމަނިކުފާނުގެ ތަރުޖަމާނު ހީނާ ވަލީދު ވިދާޅުވެއްޖެއެވެ.
މި މައްސަލާގައި ހީނާ ވަނީ މީޑިއާގައި ފަތުރަމުންދާ ވާހަކަތައް ދޮގުކުރައްވާފައެވެ. ހީނާ ވިދާޅުވީ، ސިހުރު މައްސަލާގައި ރައީސުލްޖުމްހޫރިއްޔާގެ އާއިލާއާ ގުޅުވައިގެން މީޑިއާގައި ފަތުރަމުންރަމުންދަނީ އެއްވެސް އަސާސެއްނެތް ވާހަކަތަކެއް ކަމަށެވެ. މިގޮތުން ހ.މެލްބަން، ފާޠިމަތު ޝަމްނާޒް ޢަލީ ސަލީމް އާއި އިތުރު 2 މީހަކު ބައިވެރިވެގެން ސިހުރު ހަދާކަމަށް ދިވެހި ފުލުހުންގެ އިދާރާއިން ތަޙްޤީޤްކުރާ މައްސަލައާއި އެނޫންވެސް މިފަދަ އެއްވެސް މައްސަލައެއް އެއްވެސް ފަރާތަކާއިމެދު ރައީސްގެ އާއިލާއިން ފުލުހުންގެ އިދާރާއަށް ހުށަހަޅާފަ ނުވާކަމަށް ހީނާ ވިދާޅުވިއެވެ.
މި މައްސަލާގައި ފުލުހުންގެ މީޑިއާ އޮފިޝަލް އެސިސްޓެންޓް ކޮމިޝަނަރު އަހުމަދު ޝިފާން ވެސް އެކްސްގައި ވަނީ ސިހުރުގެ އެ މައްސަލަ ފުލުހުންނަށް ހުށަހަޅާފައި ވަނީ ރައީސްގެ ފަރާތްޕުޅުން ނޫންކަމަށް ވިދާޅުވެފައެވެ.
ރައީސުލްޖުމްހޫރިއްޔާ ޑރ.މުހައްމަދު މުއިއްޒުއަށް ސިހުރު ހެދިކަމުގެ ތުހުމަތުގައި ފުލުހުންގެ ހައްޔަރުގައި އެންވަޔަރަމަންޓް މިނިސްޓްރީގެ ސްޓޭޓް މިނިސްޓަރ ފާތުމަތު ޝަމްނާޒް އާއި އޭނާގެ ކޮއްކޮ ސަނާ ސަލީމްގެ ބަންދަށް ކްރިމިނަލް ކޯޓުން މިއަދު ވަނީ 7 ދުވަސް ޖަހާފައެވެ.
ރައީސުލްޖުމްހޫރިއްޔާއަށް ސިހުރު ހެދިކަމުގެ ތުހުމަތުގައި އެ ދެ މީހުން ހައްޔަރުކޮށްފައިވަނީ މިދިޔަ ޖޫންމަހުގެ 26 ވަނަ ދުވަހުއެވެ. ބަންދުގެ މުއްދަތު ހަމަވާތީ ކުރިމިނަލް ކޯޓުން މިއަދު ވަނީ އެމީހުން ކޯޓަށް ހާޒިރުކޮށް، ބަންދުގެ މުއްދަތަށް އިތުރު 7 ދުވަސް ޖަހައިދީފައެވެ. ރައީސަށް ސިހުރު ހެދިކަމުގެ ތުހުމަތުގައި ޝަމްނާޒް ވަނީ މަޤާމުން ސަސްޕެންޑުވެސް ކޮށްފައެވެ
ކިޔުންތެރިންގެ ސަމާލުކަމަށް

އަބްދުﷲ ޝާހިދުގެ ބަންދަށް 30 ދުވަސް ޖަހައި

މަސްތުވާތަކެތީގެ މައްސަލައެއްގައި އަންހެނަކާ 3 ފިރިހެނަކު މާލެއިން ހައްޔަރުކޮށްފި

ކުޑަ ކުއްޖަކާ ބެހުނު މައްސަލައެއްގައި އަބްދުﷲ ޝާހިދު ހައްޔަރުކޮށްފި

ރަތްޔިތުންގެ ވޯޓަކާ ނުލައި ރަސްމާލެ ވިއްކާލާނަމަ އިހުތިޖާޖުކުރަން އެމްޑީޕީ އިން ނިންމައިފި

އިޓްލޮސް މައްސަލާގައި ކަނޑުން ބައެއް ގެއްލުނީ އިހުމާލުންތޯ ބަލަން ކޮމިޝަނެއް އުފައްދައިފި

ސްކޭމްކޮށްގެން ފައިސާ ފޭރޭ ކަމުގެ ތުހުމަތުގައި 4 މީހަކު ހައްޔަރުކޮށްފި
ޚިޔާލުތައް (0)
މި ލިޔުމަށް އަދި އެއްވެސް ޚިޔާލެއް ޝާއިޢުކުރެވިފައެއް ނެތް. ފުރަތަމަ ޚިޔާލު ފާޅުކުރައްވާ ފަރާތަކަށް ވެލައްވާ!
