ސޯމާލިއާ ތިން މީހުން އިމިގްރޭޝަން ފެސިލިޓީއާ ހަވާލުކޮށްފި

ފަޅު ރަށަކަށް ޑިންގީއަކާ އެކު ލައްގާފައި ތިއްބާ ފެނުނު ސޯމާލިޔާ ތިން މީހުންނަށް ނ. ހޮޅުދޫއިން ވަގުތީގޮތުން ބޯހިޔާވަހިކަން ދިނުމަށްފަހު މޯލްޑިވްސް އިމިގްރޭޝަންސް އާ މިއަދު ހަވާލުކޮށްފައިވާ ކަމަށް ފުލުހުން ބުނެފިއެވެ. އެގޮތުން، ފުލުހުން މިއަދު ބުނީ، އެތިން މީހުން މިއަދު ހުޅުމާލެ އިމްގްރޭޝަން ފެސިލިޓީއާ ހަވާލުކޮށްފައިވާ ކަމަށެވެ. ހޮޅުދޫއިން އެ މީހުންނަށް ބޯހިޔާވަހިކަން ދިނީ އެ ރަށު ކައުންސިލްގެ އެހީތެރިކަމާއެކުގައި ކަމަށް ފުލުހުން ބުނެފައިވެއެވެ. އެ ތިން މީހުންނަނީ ކަނޑުމަތީގައި ހާލުގައި ޖެހި، ބެހިގެން އާދެވުނު ބައެއް ކަމަށް މިހާތަނަށް ބެލެވިފައިވެއެވެ. އޭގެ ތެރޭގައި ހިމެނެނީ ސޯމާލިއާ ތިން ފިރިހެނުންނެވެ. ސޯމާލިއާއަކީ ކަނޑުފޭރުމަށް އެންމެ މަޝްހޫރު ގައުމެވެ.