ރަޝިއާގެ ރައީސް ލަޑިމިއާ ޕުޓިން، އުތުރު ކޮރެއާއަށް ޒިޔާރަތް ކުރައްވައިފި

ރަޝިއާގެ ރައީސް ލަޑިމިއާ ޕުޓިން އުތުރުކުރެއާއަށް ތާރީހީ ޒިޔާރަތެއް ކުރައްވައިފިއެވެ. ބައިނަލްއަޤްވާމީ މުޖުތަމައުއިން ވަރަށްބޮޑަށް އެކަހެރި ކުރެވިފައިވާ އުތުރު ކޮރެއާއަށް ޕުޓިން މި ކުރެއްވި ދަތުރުފުޅަކީ އުތުރު ކޮރެއާގެ ރައީސް/ ޒައީމް، ކިމް ޖޮންގް އުން ދެއްވި ހާއްސަ ދައުވަތަކަށް ކުރެއްވި ދަތުރުފުޅެކެވެ. ރޭގަނޑުން ބައެއްގައި ޕުޓިން ނޯތް ކޮރެއާއަށް ވަޑައިގަތުމުން އެ މަނިކުފާނަށް މަރުހަބާ ދެންނެވީ ކިމް އެވެ. ޕުޓިންގެ މި ދަތުރުފުޅުގެ ތެރެއިން އުތުރު ކޮރެއާގެ ވެރިރަށް ޕިއޮންގްޔަންގް ގައި، ކިމް އާއި ޕުޓިން ބޭއްވި ފުރަތަމަ ބައްދަލުވުމާ ގުޅޭގޮތުން ބީބީސީން ބުނެފައިވަނީ، ކިމް ވަނީ ޔުކްރޭނު މައްސަލާގައި ރަޝިއާ އާ އެކު އޮތްކަމަށް ވިދާޅުވެފައެވެ. މިގޮތުން ޔުކްރެއިނުގައި ރަޝިއާއިން ކުރިއަށްގެންދާ އޮޕަރޭޝަނަށް އުތުރު ކޮރެއާގެ ފުރިހަމަ ތާއީދު އޮތްކަމަށް މި ބައްދަލުވުމުގައި ކިމް ވިދާޅުވެފައިވާކަމަށް ބީބީސީން ވަނީ ރިޕޯޓްކޮށްފައެވެ. [caption id="attachment_104238" align="alignnone" width="622"] ކިމް އާއި ޕުޓިން ބޭއްވި ބައްދަލުވުމުގެ ތެރެއިން...[/caption] ޕުޓިން އުތުރު ކޮރެއާއަށް މި ކުރައްވާ ދަތުރުފުޅުގައި ދެ ޤައުމުގެ ދެމެދުގައި މިލިޓަރީ އަދި ކާބޯތަކެއްޗާ ގުޅޭ އެއްބަސްވުންތަކުގައި ސޮއިކުރުމަށް ހަމަޖެހިފައިވާކަމަށް މީޑިއާތަކުން ބުނެއެވެ. ޕުޓިންގެ މި ދަތުރުފުޅަކީ މިދިޔަ އަހަރުގެ ސެޕްޓެމްބަރުމަހު ކިމް ރަޝިއާއަށް ކުރެއްވި ޒިޔާރަތުގައި އުތުރު ކޮރެއާއަށް ވަޑައިގަތުމަށް ކިމް ދެއްވި ދައުވަތާ ގުޅިގެން ކުރެއްވި ދަތުރުފުޅެކެވެ. މިއީ 24 އަހަރުގެ ތެރޭގައި ޕުޓިން އުތުރު ކޮރެއާއަށް ކުރެއްވި ފުރަތަމަ ޒިޔާރަތެވެ. ޕުޓިން ރަޝިއާއަށް ވަޑައިގަތުމުން އެމެރިކާގެ ނުތަނަވަސްކަން އިތުރުވެފައިވާއިރު، މި ދަތުރުފުޅުގެ ކުރިން ޕުޓިން ވަނީ އޭނާ އުތުރު ކޮރެއާއަށް ވަޑައިގަތުމަކީ އެކަމާ އެހެން ޤައުމުތަކުން ބެހެންޖެހޭކަމެއް ނޫންކަމަށް ވިދާޅުވެފައެވެ.