އައްްޑުއަށްދާން މޯލްޑިވިއަނުން ޖާގަ ނުލިބުމުން ލަންކާ މަގުން ޔޫއެލްގައި އައްޑުއަށް

އީދުއަށް އައްޑުއަށް ދިއުމަށް މޯލްޑިވިއަނުން ޖާގަ ނުލިބުމުން ލަންކާ މަގުން ދެ ދިވެހިން އައްޑުއަށް ހިނގައްޖެއެވެ. ސްރީލަންކަން އެއާލައިންސްގެ ފްލައިޓްތައް ކޮންމެ ހަފުތާއަކުވެސް ލަންކާއިން އައްޑުއަށް އަދި އައްޑޫއިން ލަންކާއަށް ޑައިރެކްޓް ފްލައިޓް ބާއްވައެވެ. ސްރީލަންކަން އެއާލައިންސްގެ ރާއްޖޭގެ ޕެސެންޖަ ސޭލްސް އޭޖެންޓްގެ ފަރާތުން މަޢުލޫމާތު ލިބުނު ގޮތުގައި ދެ ދިވެހިން ޓިކެޓް ނަގާފައިވަނީ މާލެއިން ކޮލޮމްބޯއަށް އަދި ކޮލޮމްބޯއިން އައްޑު އަތޮޅު ގަމަށް ކަނެކްޝަން ލިބޭ ގޮތަށެވެ. އިނަ މޯލްޑިވްސްގެ ވެރިޔާ މުހައްމަދު ފިރާގު އޭނާގެ ފޭސްބުކްގައި ލިޔެފައިވާ ގޮތުގައި އޭނާގެ ދެ އެކުވެރިން ލަންކާމަގުން އައްޑުއަށް ވަނީ ގޮސްފައެވެ. އަދި އެއީ އަގުބޮޑު ދަތުރެއްގެ ގޮތުގައި ވެސް އޭނާ ވަނީ ފާހަގަކޮށްފައެވެ. މިއީ މޯލްޑިވިއަން އިން ގަމަށް ދިއުމަށް ޖާގަ ނުލިބިމިގެން އިންޓަނޭޝަލް ފްލައިޓަކުން މާލެއިން އައްޑުއަށް ދިއުމަށް މިގޮތަށް ދަތުރުކުރު ފުރަތަމަ ފަހަރަށްވުން އެކަށީގެންވެއެވެ.