ބޮޑުވަޒީރުކަމުގެ އައު ދައުރަކަށް މޯދީ ހުވާކުރައްވައިފި

ބީޖޭޕީއަށް ނިސްބަތްވެ ވަޑައިގަންނަވާ، ނަރެންދުރަ މޯދީ. ތިންވަނަ ދައުރަކަށް އިންޑިއާގެ ބޮޑުވަޒީރުކަމުގެ ހުވާ ކުރައްވައިފިއެވެ. ބޮޑުވަޒީރުކަމުގެ ހުވާކުރެއްވުން ކުރިއަށް ގެންގޮސްފައިވަނީ ދިއްލީގައި ހުންނަ ރިޔާސީ ގަނޑުވަރު ރާޝްތުރަޕަތީ ބަވަންގައި ބޭއްވި ހާއްސަ ރަސްމިއްޔާތެއްގައެވެ. މިދިޔަ އޭޕްރިލް މަހުގެ 19އިން މިހިނގާ ޖޫންމަހުގެ އެއްވަނަ ދުވަހު ބޭއްވި އިންތިހާބުގައި މޯދީގެ ޕާޓީން ވަނީ 543 ގޮނޑީގެ ތެރެއިން 240 ގޮނޑި ކާމިޔާބުކޮށްފައެވެ. މިފަހަރުގެ އިންތިހާބުގައި ބީޖޭޕީއަށް ލިބުނު ތާއީދު ބޮޑުތަނުން ދަށްވެފައިވާއިރު، ސަރުކާރު އެކުލަވާލާފައިވަނީ ކޯލިޝަނެއްގެ ތެރެއިންނެވެ. މޯދީ ހުވާކުރުމުގެ ރަސްމިއްޔާތުގައި 7 ޤައުމެއްގެ ވެރިން ބައިވެރިވެ ވަޑައިގެންނެވިއިރު، މީގެ ތެރޭގައި ދިވެހިރާއްޖޭގެ ރައީސުލްޖުމްހޫރިއްޔާ ޑރ. މުޙައްމަދު މުއިއްޒުގެ އިތުރުން އަވައްޓެރި ސްރީލަންކާގެ ރައީސް ރަނިލް ވިކްރަމަސިންހަ އާއި ސީޝެލްސްގެ ނައިބު ރައީސް އަހުމަދު އަފީފްގެ އިތުރުން ބަންގްލަދޭޝްގެ ބޮޑުވަޒީރު ޝައިޚް ހަސީނާ ހިމެނެއެވެ.