
މަޖިލީހުގެ ޗީފް އޮފް ބިއުރޯގެ މަޤާމަށް ނިހާން އައްޔަނުކޮށްފި
މަޖިލީހުގެ ޗީފް އޮފް ބިއުރޯގެ މަޤާމަށް ނިހާން އައްޔަނުކޮށްފި
ލިޔުން:
ރައްޔިތުން މަޖިލީހުގެ ޗީފް އޮފް ބިއުރޯގެ މަގާމަށް، ވިލިމާލޭ ދާއިރާގެ މެމްބަރުކަން ކުރެއްވި އަޙްމަދު ނިހާން އައްޔަން ކުރައްވައިފިއެވެ.
މިނިވަންއަށް މައުލޫމާތު ލިބިފައިވާގޮތުގައި މަޖިލީހުގެ ބިއުރޯގެ މަޤާމަށް ނިހާން އައްޔަނުކޮށްފައިވަނީ އިއްޔެގެ ވަގުތެއްގައެވެ. މަޖިލީހުގެ ޗީފް އޮފް ބިއުރޯގެ މައިގަނޑު މަސައްކަތް ބިނާވެގެން ވަނީ ރައްޔިތުންގެ މަޖިލީހުގެ ރައީސްގެ މަސައްކަތްޕުޅުތަކަށް އެހީތެރިކަން ދިނުމުގެ މައްޗަށެވެ.
ނިމިގެންދިޔަ ރިޔާސީ އިންތިހާބުގައި ޖުމްހޫރީ ޕާޓީގެ ލީޑަރު ގާސިމް އިބްރާހިމާއެކު މަސައްކަތް ކުރެއްވި، ނިހާން މަޖިލީހުގެ ބިއުރޯގެ މަޤާމަށް އައްޔަނުކުރައްވާފައިވަނީ ރައްޔިތުން މަޖިލީހުގެ ރައީސް ޢަބްދުލް ރަހީމް ޢަބްދުﷲ އެވެ. ނިހާނަކީ ސިޔާސީ ދާއިރާގައި އަދުރޭ ވަރަށް އިތުބާރު ކުރައްވާ ބޭފުޅެއްކަމަށް އަދުރޭގެ ގާތް ބޭފުޅުން ވިދާޅުވެއެވެ.
ނިހާނާއި އަދުރޭ ވަނީ ސިޔާސީ ދާއިރާގައި ދެ ބޭފުޅުން އެއްކޮށް 15 އަހަރަށްވުރެ ގިނަ ދުވަހު ވަރަށް އެކުގައި މަސައްކަތްކުރައްވާފައެވެ. ޕީޕީއެމްގައި ދެ ބޭފުޅުން މަސައްކަތް ކުރެއްވިއިރު އަދުރޭ އަކީ އެޕާޓީގެ ނައިބުރައީސް އެވެ. އަދި ނިހާނަކީ ޕާލިމެންޓްރީ ގްރޫޕްގެ ލީޑަރެވެ. ސިޔާސީ މައިދާނުގައި 2019 ވަނަ އަހަރު ޕީޕީއެމަށް އިންތިހާބުތަކުގައި ކުރިމަތިވި ނާކާމިޔާބީއަށްފަހު ނިހާން ވަނީ ޕީޕީއެމްގެ ލީޑަރޝިޕް އިސްތިއުފާއަށް ގޮވުމަށްފަހު ސިޔާސީ ދާއިރާއާ ދުރަށް ވަޑައިގެންފައެވެ.
ކިޔުންތެރިންގެ ސަމާލުކަމަށް

އަބްދުﷲ ޝާހިދުގެ ބަންދަށް 30 ދުވަސް ޖަހައި

މަސްތުވާތަކެތީގެ މައްސަލައެއްގައި އަންހެނަކާ 3 ފިރިހެނަކު މާލެއިން ހައްޔަރުކޮށްފި

ކުޑަ ކުއްޖަކާ ބެހުނު މައްސަލައެއްގައި އަބްދުﷲ ޝާހިދު ހައްޔަރުކޮށްފި

ރަތްޔިތުންގެ ވޯޓަކާ ނުލައި ރަސްމާލެ ވިއްކާލާނަމަ އިހުތިޖާޖުކުރަން އެމްޑީޕީ އިން ނިންމައިފި

އިޓްލޮސް މައްސަލާގައި ކަނޑުން ބައެއް ގެއްލުނީ އިހުމާލުންތޯ ބަލަން ކޮމިޝަނެއް އުފައްދައިފި

ސްކޭމްކޮށްގެން ފައިސާ ފޭރޭ ކަމުގެ ތުހުމަތުގައި 4 މީހަކު ހައްޔަރުކޮށްފި
ޚިޔާލުތައް (0)
މި ލިޔުމަށް އަދި އެއްވެސް ޚިޔާލެއް ޝާއިޢުކުރެވިފައެއް ނެތް. ފުރަތަމަ ޚިޔާލު ފާޅުކުރައްވާ ފަރާތަކަށް ވެލައްވާ!
