މިއަހަރު ރާއްޖެއިން ޙައްޖަށްދާ ފުރަތަމަ ގްރޫޕް ސައުދީއަށް ފުރައިފި

މިއަހަރު ރާއްޖެއިން ޙައްޖުގެ އަޅުކަން އަދާކުރުމަށް މައްކާއަށްދާ ޙައްޖުވެރިންގެ ފުރަތަމަ ބެޗް މިއަދު ފުރައިފިއެވެ. ސައުދީ އެއާލައިންގެ ފްލައިޓެއްގައި ފުރަތަމަ ގްރޫޕް ފުރީ މިއަދު 15:52ގައެވެ. އެ ފްލައިޓަށް ޖިއްދާއަށް ދެވޭނެ ކަމަށް ލަފާކުރެވެނީ ރާއްޖޭގަޑިން މިރޭ 9 ޖަހާއިރުއެވެ. މިއަހަރުގެ ޙައްޖުގެ އަޅުކަމުގައި ރާއްޖެއިން 1150 ޙައްޖާޖީން ބައިވެރިވާނެއެވެ. ޙައްޖާޖީން މައްކާއަށް ދިއުމަށް ހަމަޖެހިފައިވަނީ ތިން ފްލައިޓެއްގައެވެ. އެއީ 31 ވަނަ ދުވަހާއި އަންނަ މަހުގެ 3 އަދި 7 ވަނަ ދުވަހުގެ މެންދުރު ފަހުގެ ފްލައިޓެވެ. މިއަހަރު ރާއްޖެއަށް ލިބުނު ހުރިހާ ޙައްޖު ކޯޓާއެއް ވެސް ދީފައިވަނީ ސަރުކާރުން ހިންގަމުން އަންނަ ޙައްޖު ކޯޕަރޭޝަނަށެވެ.