ފުލުހުންނަށް ނޭނގޭނެ ކަމަށް، ހެލްމެޓް ނާޅައި ބްރިޖްގައި ސައިކަލް ދުއްވުމުން ބޮޑު ޖޫރިމަނާއެއް

ހެލްމެޓް ނާޅާ ސިނަމާލެ ބްރިޖްގައި ދަތުރުކުރި މީހުންނާމެދު ހަމަޖެހިފައިވާ އުސޫލުން ފިޔަވަޅު އަޅާފައިވާނޭކަމަށް މޯލްޑިވްސް ޕޮލިސް ސަރވިސް އިން ބުނެފިއެވެ. ހެލްމެޓް ނާލައި މާލެއިން ހުޅުމާލެއަށް ސައިކަލެއްގައި ދެ މީހަކު ދުއްވާފައިދާ ވީޑިއޯއެއް ސޯޝަލް މީޑިއާގައި ވައިރަލްވެފައިވާއިރު، މި ވީޑިއޯއާ ގުޅޭގޮތުން އެކްސްގައި ކުރި ޕޯސްޓެއްގައި ފުލުހުންގެ ތަރުޖަމާނު އަހުމަދު ޝިފާން ވިދާޅުވެފައިވަނީ، ހެލްމެޓް ނާޅައި ސައިކަލް ދުއްވި މީހުން ޖޫރިމަނާކޮށްފައިވާކަމަށެވެ. ޝިފާން ވިދާޅުވީ، މަގުމަތީގެ ރައްކާތެރިކަމަށް ކޮންމެ ފަރުދަކުވެސް އެއްބާރުލުން ދެއްވުމަކީ މަގުގެ އަމާންކަމަށް ކޮށްދެވޭ އަގުހުރި ޚިދުމަތަކަށްވާނޭ ކަމަށެވެ. https://x.com/Shifan4040/status/1791325472095445327 ހެލްމެޓް ނާޅައި ސައިކަލް ދުއްވުމުގެ ސަބަބުން ދެ މީހަކު ޖޫރިމަނާކޮށްފައިވާއިރު، ފުލުހުން އަންނަނީ ބްރިޖާއި އަދި ބްރިޖް ގުޅޭ ހައިވޭގެ ޓްރެފިކް ކަންކަން 24 ގަޑިއިރު ބަލަހައްޓަމުންނެވެ. ބްރިޖް އަދި ހައިވޭގައި ފުލުހުން ނެތްނަމަވެސް، ކެމެރާތަކުގެ އެހީގައި އެ ސަރަހައްދުގެ ވެށީގައި ހިނގަމުންދާ ކަންކަން ފުލުހުން ޤަވާއިދުން މޮނީޓަރކުރަމުންދެއެވެ. މިގޮތުން ބާރަށް ދުއްވާނަމަ، ސައިކަލްގެ ވެރިފަރާތަށް މެސެޖުވެސް ފޮނުވަމުން އަންނަކަން ފާހަގަކޮށްލެވެެވެ