މިއަހަރުގެ ޕީކް ސީޒަނަށް ތައްޔާރުވުމުގެ ގޮތުން ހުޅުމާލޭގައި ސްޓެލްކޯ އިން ތައްޔާރުކުރި ބެކަޕް އިންޖީނުގެ ހުޅުވައިފި އެވެ.
ސްޓެލްކޯއިން ހުޅުމާލޭގައި ތައްޔާރުކުރި ބެކަޕް އިންޖީނުގެ ނުވަތަ ހުޅުމާލޭ އެނެކްސް 2 އިންޖީނުގެ ހުޅުވައިދެއްވީ އެކުންފުނީގެ މެނޭޖިންގ ޑިރެކްޓަރ ފަހްމީ އެވެ.
އެ ރަސްމިއްޔާތުގައި ވާހަކަދައްކަވަމުން ފަހްމީ ވިދާޅުވީ ހުޅުމާލޭގައި ޤާއިމުކުރި ބެކަޕް އިންޖީނުގެ ނުވަތަ ހުޅުމާލޭ އެނެކްސް 2 އަކީ 48000 އަކަފޫޓުގެ ބިމެއްގައި އިމާރާތްކޮށްފައިވާ އިންޖީނުގެއް ކަމަށާއި، ސްޓެލްކޯގެ މުވައްޒަފުން އެ ތަން ތަރައްގީކޮށްފައިވަނީ 10 ދުވަހުގެ މަސައްކަތުން ކަމަށެވެ.
ސްޓެލްކޯއިން ހުޅުމާލޭގައި ޤާއިމުކުރި އެނެކްސް 2 އީންޖީނުގޭގައި 1.6 މެގަވޮޓްގެ ޖުމްލަ 12 ޖަނަރޭޓަރު ސެޓު ބެހެއްޓުމަށް ބެހެއްޓުމަށް ނިންމާފައިޥާއިރު، މީގެތެރެއިން 7 ޖަނަރޭޓަރު ސެޓު މިހާރު ކޮމިޝަންކޮށް ބޭނުންކުރަންވަނީ ފަށާފައެވެ. ބާކީ 5 ޖަނަރޭޓަރު ސެޓު މިރަމަޟާން މަހުގެ ތެރޭގައި ގެނެވި ރޯދައިގެ ކުރިން ކޮމިޝަންކޮށް ނިންމުމަށް ހަމަޖެހިފައިވާކަމަށް ސްޓެލްކޯއިން ވިދާޅުވެއެވެ. މިއާއެކު ހުޅުމާލޭ އިންޖީނުގޭގެ އިންސްޓޯލްޑް ކެޕޭސިޓީ 19.2 މެގަވޮޓަށް އަރާނެކަމަށްވެސް އެކުންފުނިން ވިދާޅުވެއެވެ.
