ސިފައިން ނިކުމެ މާލޭގެ މަގުތަކުގައި ފެން ހިންދަނީ

މިއަދު ފަތިހުން ފެށިގެން މާލެއަށް ބޯކޮށް ވާރޭވެހި މަގުތަކުގައި ފެންބޮޑުވުމުން، ސިފައިން ނިކުމެ ފެން ހިންދަން ފަށައިފި އެވެ. އެމްއެންޑީއެފްއިން ބުނީ ފަޔާ އެންޑް ރެސްކިޔު ސާވިސް އިން މިހާރު ފެން ހިއްކުމަށް މަސައްކަތް ކުރަމުންދާ ކަމަށާއި އެ މަސައްކަތް ފެށީ ހެދުނު 06:08 ގައި ކަމަށެވެ. އެގޮތުން މާލޭގައި އެންމެ ބޮޑަށް ފެން ހެދޭ ސަރަހައްދުތައް ކަމަށްވާ ގިޔާސުއްދީން ސުކޫލު، އައިޖީއެމްއެޗް އަދި ދިރާގު ހެޑް އޮފީސް ސަރަހައްދުގައި ޕަމްޕު ބަހައްޓައިގެން ސިފައިން އަންނަނީ ފެން ހިއްކުމުގެ މަސައްކަތް ކުރަމުންނެވެ. [embed]https://twitter.com/MNDF_Official/status/1653957919136968704[/embed] ރޭ ދަންވަރުން ފެށިގެން މާލެއަށް އަދިވެސް ދަނީ ވާރޭ ވެހެމުންނެވެ. މޫސުމާ ބެހޭ ގައުމީ އިދާރާ - މެޓް އޮފީހުން  ބުނީ ކުރިއަށް އޮތް 24 ގަޑިއިރު ރާއްޖޭގެ ބޮޑުބަޔަކަށް ވިއްސާރަ ކުރުމާއެކު ގުގުރާ ބޯކޮށް ވާރޭވެހޭނެކަމަށެވެ. އަދި ވައި ގަދަވެ ކަނޑުތައްވެސް ގަދަވާނެކަމަށް މޫސުމާ ބެހޭ ޤައުމީ އިދާރާއިން ބުންޏެވެ.