ރައްޔިތަކަށް ބޮޑުކަމެއް ނުކޮށްދެވުނުތާނގައި، ނިޒާމް ފުނޑާލާ މަންޒަރުބަލާކަށް ދެން ނުހުރެވޭނެ ކަމަށް އަދާލަތު ޕާޓީގެ ރައީސް ޝެއިޙް އިމްރާން އަބްދުﷲ ވިދާޅުވެއެއްޖެއެވެ.
ސްޕްރީމް ކޯޓުގެ ބެންޗު ކުޑަކުރުމަށް ސަރުކާރުން ގާނޫނަށް ގެންނަން ހުށަހަޅާފައިވާ ބަދަލާ ގުލޭގޮތުން އެކްސް ގައި ކުރެއްވި ޕޯސްޓެއްގައި ޝެއިޙް އިމްޜާން އަބްފުﷲ ވިދާޅުވެފައިވަނީ ރައްޔިތުންނަށް ފައިދާއެއް،ހެޔޮކަމެއް ކޮށްދީ، ދައުލަތުގެ ނިޒާމަށް ހެޔޮބަދަލެއް ގެނެސްދޭތޯ އެއްޗެއް ނުބުނެ ވަރަށް ކެއްކޮށްފިން ކަމަށާއި، ނަމަވެސް ރައްޔިތުންނަށް ބޮޑުކަމެއް ނުކޮށްދެވޭތާ މުޅި ނިޒާމު ފުނޑަމުންގޮސް ސްޕްރީމް ކޯޓުގައި އަތްލީމާ ދެން ހިމޭނަކުން ނުތިބެވޭނެ ކަމަށެވެ.
ރައްޔިތުންނަށް ފައިދާއެއް،ހެޔޮކަމެއް ކޮށްދީ،ދައުލަތުގެ ނިޒާމަށް ހެޔޮބަދަލެއް ގެނެސްދޭތޯ އެއްޗެއް ނުބުނެ ވަރަށް ކެއްކޮށްފިން.
— Imran Abdulla (@ShimranAb) February 24, 2025
ރައްޔިތުންނަށް ބޮޑުކަމެއް ނުކޮށްދެވޭތާ މުޅި ނިޒާމު ފުނޑަމުންގޮސް ސްޕްރީމް ކޯޓުގައި އަތްލީމާ ދެން ހިމޭނަކުން ނުތިބެވޭނެ. https://t.co/T8M3GoH7as
ކުރީ ސަރުކާރުގެ ހޯމް މިނިސްޓަރ ކަން ކުރައްވާފައިވާ ށެއިޙް އިމްރާން ރިޔާސީ އިންތިހާބަށްފަހު ދިރިއުޅުން ވަނީ ރާއްޖެއިން ބޭރަށް ބަދަލުކުރައްވާފައެވެ. އަދި އައު ސަރުކާރު ހިންގަން ފެށިފަހުން ސިޔާސީ ގޮތުން އެއްވެސް ކަހަލަ ބަސްފުޅެއް ވިދާޅުނުވެ ހުންނެވުމަށްފަހު އެމަނިކުފާނު އެކްސް ގައި ކުރައްވާފައިވާ އެ ޕޯސްޓަކީ އެމަނިކުފާނު އެނބުރި ރާއްޖޭގެ ސިޔާސީ ކަންކމުގެ ތެރެއަށް ވަޑައިގަންނަވާނެ ކަމުގެ އިޝާރާތެއްގެ ގޮތުގައި ބެލެވެއެވެ.
ޝެއިޙް އިމްރާނަކީ ރައީސް ޔާމިންގެ ސަރުކާރުގައިވެސް އެ ސަރުކާރާ ދެކޮޅަށް ރައްޔިތުން ނެރުމަށް އެކުލަވާލި ކޯލިޝަންގެ އެއްމެ އިސް ލިޑަރުކަން ކުރައްވާފައިވާ ބޭފުޅާއެވެ. އެގޮތުން މޭޑޭ ގެ މުޒާހިރާ އަކީ ޝެއިހް އިމްރާނުގެ ވަރަށްބޮޑު ބައިވެރިވުމަކާއެކު ރާއްޖޭގައި މިހާތަނަށް ބޭއްވި ސިޔާސީ އެއްމެ ބޮޑު އެއްވުމެވެ.
