މާފަންނު ޝީ ބިލްޑިންގ ކުރިމަތީ ހުންނަ ހައުސް ޕްލާޒާ ގައި އަލިފާނުގެ ހާދިސާއެއް ހިގައިފިއެވެ.
އެމްއެންޑީއެފް އިން ބުނީ މާފަންނުގައި ހުންނަ ހައުސް ޕްލާޒާ ގައި އަލިފާން ރޯވެފައިވާ ކަމުގެ މައުލޫމާތު އެމްއެންޑީފްގެ ފަޔަރ އަށް މިއަދު ހެނދުނު 06:30 ހާ ކަންހާއިރު ލިބުމާއެކު އެމްއެންޑީއެފް ފަޔަރ އެންޑް ރެސްކިޔު ސަރވިސްގެ ފަޔަރ ފައިޓަރުން ހަރަކާތްތެރިވެ ނިއްވާލައިފިއެވެ. މިގޮތުން ފަޔަރފައިޓަރުން ކުރި މަސައްކަތުން ރޯވެފައިހުރި އަލިފާން އެއްކޮށް ނިއްވާލާފައިވަނީ 07:47 ހާއިރު ކަމަށްވެސް އެމްއެންޑީއެފް އިން ބުނެފައިވެއެވެ.
މ.ހައުސްޕްލާޒާ ގޭގައި އަލިފާން ރޯވެގެން އެމްއެންޑީއެފް ފަޔަރ އެންޑް ރެސްކިއު ސަރވިސްއިން ހަރަކާތްތެރިވާން ފަށައިފި. pic.twitter.com/H7S0BMUjXF
— Maldives National Defence Force (@MNDF_Official) February 9, 2025
އަދި އެމްއެންޑީއެފް އިން އިތުރަށް ބުނެފައިވަނީ ގިނަދުވަސް ތަކެެއްވަންދެން ފަޅުގެއެއްގެ ގޮތުގައި ހުންނަ ހައުސް ޕްލާޒާ ގައި އަލިފާން ރޯވެފައިވަނީ އެތަނުގައި ހުރި ކުނިތަކެއްގައި ކަމަށެވެ. އަދި އެ ހާދިސާގައި އެއްވެސް މީހަކަށް އަނިޔާއެއް ލިބިފައި ނުވާކަމަށްވެސް އެމްއެންޑީއެފް އިން ބުނެފައިވެއެވެ.
