ސައި ކޮޓަރީގައި އިންނަވަނިކޮށް ރައީސް ނަޝީދު ގޯނާ ކުރެއްވިކަމުގެ ތުހުމަތު ރޮޒޭނާ ކުރައްވަފި

ރައްޔިތުނގެ މަޖިލީހުގެ ސައިކޮޓަރީގައި މަޖިލީހުގެ ރައީސް މުހައްމަދު ނަޝީދު މީދޫ ދާއިރާގެ މެންބަރު ރޮޒައިނާ އާދަމް އަށް ގޯނާ ކުރެއްވި ކަމުގެ ތުހުމަތު އޭނާ ކުރައްވައިފިއެވެ. ރޮޒޭނާ ކުރެއްވި ޓްވީޓެއްގައި ވިދާޅުވީ، މިއަދު މަޖިލީހުގެ ސައި ކޮޓަރިތެރޭގައި ރައީސް ނަޝީދް އޭނާ އަށް ގޯނާ ކުރެއްވި ކަމަށާއި، މިއީ މަޖިލީހުގެ ރައީސް އަކަށް ވެހުރެ ލަދުވެތިވާ ޖެހޭ އަމަލެއްކަމަށެވެ. "އިއްޔެ ހަމަ އެގޮތަށް ޕާޓީގެ އެހެން މެމްބަރުނަށް ވެސް ރައީސް ނަޝީދް ގޯނާ ކުރެއްވި މިއަދު އަޅުގަނޑު ސައިކޮޓަރީގައި އިންނަވަނި ކޮށް އައިސް ހަމަ އެގޮތަށް އަޅުގަނޑަށް ގޯނާ ކުރީ" ޓްވީޓުގައި ރޮޒޭނާ ވިދާޅުވިއެވެ. ރޮޒޭނާ ވިދާޅުވީ، ރައީސް ނަޝީދު ގެ އިތުބާރު ނެތް ކަމަށް މަޖިލީހަށް ހުށަހަހަޅައި ވޯޓު ހަމަ ވެފައިވާތީ އެކަން ހަޖަމް ނުކުރެވި، މަޖިލީހުގެ ތަޅުމުގައި އެހެން މެމްބަރުންނަށް އެކަމުގެ ރުޅިވެރިކަން ފާޅުކޮށް ގޯނާ ކުރުމަކީ ބަލައިގަނެވޭނެ ކަމެއްނޫން ކަމަށެވެ. https://twitter.com/roxeyna/status/1666341381349187584?s=48&t=W-Ms7MNeLsesbV_No22wYA ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ އިތުބާރު ނެތް ކަމުގެ މައްސަލަ 54 މެންބަރުން ސޮއި ކޮށްފައިވާ ގަރާރެއް ރައްޔިތުންގެ މަޖިލިހަށް މިއަަދު ވަނީ ހުށަހަޅައިފައެވެ. މީގެ އިތުރުން އެމްޑިޕީއިން މިއަދު ހުށަހެޅި ގަރާރުގައި ބުނީ، ރިޔާސަތުގައި އިންނަވައިގެން ރައީސް ނަޝީދު ތަކުރާރުކޮށް މަޖިލީހުގެ ގަވައިދާ ހިލާފުވެވަޑިގެންފައިވާ ކަމަށެވެ.