ސަގާފީ ތަރިކަތައް ތްރީޑީކޮށް ފެންނަހެން ސަގާފަތާ ބެހޭ މިނިސްޓްރީގެ ވެބްސައިޓް އަލުން ފަރުމާކޮށްފި

ދިވެހިބަހާއި ސަގާފަތާއި ތަރިކައާ ބެހޭ ވުޒާރާގެ ވެބުސައިޓު އާކުރުމަށް ފަހު އަލުން އިއްޔެ ހުޅުވައިފި އެވެ. އާންމުކޮށް ހުޅުވާލި މި އާ ވެބުސައިޓުގައި ރާއްޖޭގެ މާއްދީ ތަރިކަ އާއި މާނަވީ ތަރިކައާ ބެހޭ މައުލޫމާތުގެ ލިއުމާއި، އޯޑިއޯ އާއި ވީޑިއޯ ވެސް ހިމެނެ އެވެ. އެ އާ ވެބްސައިޓަށް އިތުރުކޮށްފައިވާ އެންމެ ހާއްސަ އެއް ފީޗާއަކީ، ރާއްޖޭގެ ސަގާފީ ތަރިކައިގެ ތެރޭގައި ހިމެނޭ އުތީމު ގަނޑުވަރާއި ހުކުރު މިސްކިތު މުންނާރު ފަދަ ތަންތަން ދާދިވަރުކޮށް ނުވަތަ ތްރީޑީކޮށް ބެލޭގޮތް ހަދާފައިވުމެވެ. އެ މިނިސްޓްރީއިން ކުރަމުންދާ މަސައްކަތްތަކުގެ އެންމެ ފަހުގެ މައުލޫމާތު އެ ވެބްސައިޓުން ފެންނަން ހުންނަ ގޮތަށް ވެސް ވަނީ ހަދާފަ އެވެ. އަދި ހާއްސަ އޯޑިއޯތަކެއް ވެސް ވަނީ ހިމަނާފައެވެ. އެ މިނިސްޓްރީއިން ބުނީ އާ ވެބްސައިޓު އިތުރަށް ތަރައްގީކުރުމުގެ މަސައްކަތް އަދިވެސް ކުރިޔަށްދާ ކަމަށެވެ.