ރޯދަ މަހު ކައިވެނިކޮށްދޭ ގަޑިތައް ކަނޑައަޅައިފި

މިއަހަރުގެ ރޯދަމަހާއި ހަރޯދަ ހިފާ ދުވަސްތަކުގައި (ޝައްވާލު މަހުގެ ފުރަތަމަ 7 ދުވަހު) ކައިވެނިކޮށްދިނުމުގެ ގަޑިތައް ފެމިލީ ކޯޓުން ކަނޑައަޅައި އާއްމުކޮށްފި އެވެ. ފެމިލީ ކޯޓުން ކުރި އިއުލާނެއްގައިވާ ގޮތުން ކޯޓުގައި ކައިވެނި ކުރާނަމަ ރޯދަ މަހު ކައިވެނިތައް ކޮށްދޭނެ ރަސްމީ ގަޑިއަކީ ހެނދުނު 9:30 އިން 12:30 އަށެވެ. އަދި ނުރަސްމީގަޑި އަކީ ރޭގަނޑު 21:30 އިން 23:00 އަށެވެ. ރޯދަމަހު ކޯޓުން ބޭރުގައި ކުރާ ކައިވެނިތައް ކޮށްދިނުމަށް ހަމަޖެހިފައިވަނީީ ރޭގަނޑު 21:30 އިން 23:00 އަށް ކަމަށް ވެސް ފެމިލީ ކޯޓުގެ އިއުލާނުގައި ބުންޏެވެ. ރަމަޟާން މަހު ކާވެންޏަށް ހޭލުންތެރިކުރުމުގެ ޕްރޮގްރާމް ބޭއްވުމަށް ހަމަޖެހިފައި ވަނީ ކޮންމެ ހަފްތާއެއްގެ އާދިއްތަ އަދި ބުދަ ދުވަހެއްގެ ރޭ 9:30 އިން 11:30 ށް ކަމަށާއި އެ ޕްރޮގްރާމް ކުރިއަށް ގެންދާނީ އޮންލައިންކޮށް ކަމަށް ވެސް އެކޯޓުން ބުންޏެވެ. ކަލަންޑަރުގައިވާ ގޮތުން މިއަހަރުގެ ރޯދަމަސް ފެށޭނެ ކަމަަށް ބެލެވެނީ މާޗް 23 ވާ ބުރާސްފަތި ދުވަހު އެވެ.