ރޯދަމަހު ކެފޭ ރެސްޓޯރެންޓުތައް 3 ޖަހަންދެން، ފިހާރަތައް 1 ޖަހަންދެން ހުޅުވާފައި ބެހެއްޓޭނެ

މިއަހަރުގެ ރޯދަމަހު ކެފޭ ރެސްޓޯރަންޓު އަދި ފިހާރަތައް ހުޅުވޭނެ ވަގުތުތައް ކަނޑައަޅައި އާއްމުކޮށްފި އެވެ. އިކޮނޮމިކް މިނިސްޓްރީން ކުރި އިއުލާނެއްގައި ބުނީ މިއަހަރުގެ ރޯދަމަހުގެ ރޭތަކުގައި ކެއިން ބުއިމުގެ ހިދުމަތްދޭ ތަންތަން ހުޅުވާފައި ބަހައްޓަންވާނީ އެދުވަހެއްގެ ހަވީރު 5:30 އިން މެންދަމު 3:00 އާ ދެމެދު ކަމަށެވެ. އަދި ޝައްވާލްމަހުގެ ފުރަތަމަ 7 ދުވަހު ކެއިން ބުއިމުގެ ޚިދުމަތްދޭ ތަންތަން ހުޅުވާފައި ބަހައްޓަންވާނީ އެދުވަހެއްގެ ފަތިހު 4:30 އިން މެންދަމު 3:00 އާ ދެމެދު ކަމަށެވެ. އެމިނިސްޓްރީއިން ބުނެފައިވަނީ މިއަދުން ފެށިގެން (15 މާރޗް) ރޯދަ މަހުގެ ރޭތަކާއި ޝައްވާލް މަހުގެ ފުރަތަމަ 7 ދުވަހު މުދާ ވިއްކާ ތަންތަން ހުޅުވާފައި ބެހެއްޓޭނެ ގަޑިއަކީ ފަތިހު 5:30 އިން މެންދަމު 1:00 އަށެވެ. ރޯދަ މަހަކީ ގޭތެރެއަށް ބޭނުންވާ ތަކެތި ގަތުމާ، ގޭތެރޭ އާބާތުރަ ފިލުވުމުގެ މަސައްކަތް ކުރާ ދުވަސް ވަރަކަށް ވުމުން މިގެނާ ބަދަލު ތަކާ ގުޅިގެން ރޯދަމަހަށް ތައްޔާރުވުމަށް ވިޔަފާރި ކުރައްވާ ފަރާތްތަކަށް އިތުރު ފަސޭހަ ކަމެއް ލިބިގެން ދާނެ އެވެ.