ރެސިޕީ: ޗިޕްސްމޯ ކްރީމް

ޗިޕްސްމޯ ކްރީމް އަކީ އަވަހަށް ތައްޔާރުކޮށްލަން ޖެހިއްޖެ ހާލަތެެއްގައި ތައްޔާރުކޮއްލަން ފަސޭހަ އަދި މީރު ޑެޒާޓެކެވެ. ބޭނުންވާތަކެތި:

• 1 ޕެކެޓް ޗިޕްސްމޯ ބިސްކޯދު (ބޮޑު)
• 1 ދަޅު ގެރި ކިރު
• 2 ދަޅު ނެސްޓްލް ކްރީމް
• 3 މޭޒުމަތީ ސަމްސާ ކޮކޯ ޕައުޑާ

ތައްޔާރުކުރާނެގޮތް: ޗިޕްސްމޯ ކްރީމް ތައްޔާރުކުރުމަށް ފުރަތަމަ ގެރިކިރާއި ނެސްޓްޕް ކްރީމާއި ކޮކޯ ޕައުޑާ އަޅައި ރަނގަޅަށް އެއްކޮށްލާށެވެ. އެއަށްފަހު ބިސްކޯދުތައް ޓްރޭގައި ފަތުރާލުމަށްފަހު އޭގެ މައްޗަށް ކްރީމް އަޅާލާށެވެ. އެގޮތަށް އަދި އެއް ލޭޔަރ ހެދުމަށްފަހު ފްރިޖްއަށްލާ ފިނިކޮށްލުމުން ޗިޕްސްމޯ ކްރީމް ތައްޔާރުވީއެވެ.