ރީރެޖިސްޓާ ކުރުމުގެ ސުންގަޑި އިއްޔެ 3:00 އަށް ހަމަވިއިރު، ލާފައިވާ 11،169 ފޯމުގެ ތެރެއިން ސައްހަ ކަމަށް އީސީއިން ކަނޑައެޅީ 10،028 ފޯމެވެ.
މަޖިލިސް އިންތިހާބުގައި ރާއްޖޭން ބޭރު ގައުމުތަކާއި ސިނާއީ ރަށްތަކާއި ރިސޯޓުތައް ވޯޓުލާން ރީރެޖިސްޓާ ކުރަން ޖެހޭނެ އެވެ. އޭގެ އިތުރަށް ރީރެޖިސްޓާކުރަން ޖެހޭނީ މިދިޔަ އަހަރު ބޭއްވި ރިޔާސީ އިންތިހާބުގައި ވޯޓުލާފައިވާ ރަށް ނޫން އެހެން ތަނެއްގައި މި ފަހަރު ވޯޓުލާން ބޭނުންވާ ފަރާތްތަކެވެ.
މިފަހަރުގެ އިންތިހާބުގައި ރާއްޖޭން ބޭރުގައި ވޯޓު ފޮށި ބަހައްޓާނީ ތިން ގައުމެއްގަ އެވެ. އެއީ މެލޭޝިއާ، އިންޑިއާ އަދި ސްރީލަންކާ އެވެ. އިނގިރިލޭސި ވިލާތާއި ޔޫއޭއީ އަދި ތައިލޭންޑުގައި ފޮށި ބަހައްޓަން އިލެކްޝަނުން ނިންމާފައި ވާ އަދަދު ކަމަށްވާ 150 މީހުން ހަމަނުވާތީ އެގަމުތަކުގައި ވޯޓުފޮށި ނުބަހަށްޓައެވެ.
