ރައްޔިތުންގެ މަޖިލީޙުން ބުނީ، ސްޕްރީމް ކޯޓުގެ އަމުރަށް ތަބާވެވެން ނެތްކަމަށް
ރައްޔިތުންގެ މަޖިލީޙުން ބުނީ، ސްޕްރީމް ކޯޓުގެ އަމުރަށް ތަބާވެވެން ނެތްކަމަށް
ލިޔުން:
ރައީސުލްޖުމްހޫރިއްޔާ މަގާމުން ވަކިކުރެވޭގޮތަށް މަޖިލީޙުގެ ގަވާއިދަށް ގެނައި އިސްލާހަށް އަމަލުކުރުން ފަސްކުރުމަށް ސްޕްރީމް ކޯޓުން ނެރުނު އަމުރަށް ތަބާވެވެން ނެތްކަމަށް ރައްޔިތުންގެ މަޖިލީހުން ނިންމައިފިއެވެ.
އެމްޑީޕީ އާއި ޑިމޮކްރެޓްސް އިން މަޖިލީހުގެ ގަވާއިދަށް އިސްލާހު ގެނެސްފައިވަނީ ރައީސް ވަކިކުރުމަށް ޓަކައި ހުސްގޮނޑިތައް ނުގުނާ ގޮތަށެވެ. ސްޕްރީމް ކޯޓުން ވަނީ މިދިޔަ ބްރާސްފަތި ދުވަހު، އެ އިސްލާހަށް އަމަލުކުރުން ފަސްކުރުމަށް އަމުރެއް ނެރެފައެވެ.
މިކަމާއި ގުޅޭގޮތުން ރައްޔިތުންގެ މަޖިލީހުގައި މިއަދު ވަނީ އަމުރާގުޅޭގޮތުން މެމްބަރުންގެ މެދުގައި މަޝްވަރާކޮށް ވަގުތީ އަމުރަށް ތަބާވާނީތޯ ބެލުމަށް ފެންނަ ނުފެންނަ ވޯޓެއް ނަގާފައެވެ. މި ވޯޓުގައި ބައިވެރިވި 45 މެމްބަރުންގެ އިއްތިފާގުން ނިންމާފައިވަނީ ސްޕްރީމް ކޯޓުގެ އަމުރަށް ތަބާނުވުމަށެވެ. ވޯޓު ނެގުމުގެ ކުރިން ސްޕްރީމް ކޯޓުގެ އެ ނިންމުމާ ގުޅޭގޮތުން ރައްޔިތުން މަޖިލީހުގެ ރައީސް މުހައްމަދު އަސްލަމް ވަނީ އަމުރާ ގުޅިގެން ކަންބޮޑުވުން ފާޅުކޮށް، އެ އަމުރުގައި ގަވައިދަށް ގެނެސްފައިވާ އިސްލާހު ގާނޫނު އަސާސީއާ ހިލާފުކަމަށް ކޯޓުން ކަނޑައަޅާފައި ނުވާކަން ފާހަގަ ކުރައްވާފައެވެ.
ރައީސް މަގާމުން އަޒުލުކުރެވޭގޮތަށް މަޖިލީހުގެ ގަވައިދަށް އެ އިސްލާހުތައް ބާތިލްކުރުމަށް ހުށަހަޅާފައިވަނީ ސަރުކާރުންނެވެ.
ރާއްޖޭގެ ގާނޫނު އަސާސީ ބުނާގޮތުން ރައީސުލްޖުމްހޫރިއްޔާ މަގާމުން ވަކުކުރެވޭނީ ރައްޔިތުން މަޖިލީހުގެ ތިންބައި ކުޅަ ދެބައި މެމްބަރުންގެ ވޯޓު ލިބިގެންނެވެ. އެމްޑީޕީ އާއި ޑިމޮކްރެޓްސް އިން މަޖިލީހުގެ ގަވާއިދަށް މިދިޔަ އަހަރު ގެނައި ބަދަލުގައިވާގޮތުން ރައީސް ވަކިކުރުމަށް ޓަކައި ހުސްގޮނޑިތައް ނުގުނާ ގޮތަށެވެ.
ރައްޔިތުން މަޖިލީހުގައި މިވަގުތު 7 ގޮނޑިއެއް ވަނީ ހުސްވެފައެވެ. ރައީސް މަގާމުން އަޒުލުކުރެވޭގޮތަށް މަޖިލީހުގެ ގަވައިދަށް ގެނައި އެ އިސްލާހަށް ބަލާއިރު، އެމްޑީޕީ އާއި ޑިމޮކްރެޓްސްއަށް ރައީސް ވަކިކުރުމުގެ ފުރުސަތު އެބައޮތެވެ.
މި މައްސަލައިގައި ސްޕްރީމް ކޯޓުން އެ އަމުރު ނެރުއްވާފައިވަނީ މައްސަލަ ބެއްލެވި ފަނޑިޔާރުންގެ އަގުލަބިއްޔަތުންނެވެ. އެއީ ފަނޑިޔާރު ޑރ. އަޒްމިރަލްދާ ޒާހިރާއި ފަނޑިޔާރު ހުސްނުއްސުއޫދުގެ އިތުރުން، ފަނޑިޔާރު މަހާޒް އަލީ ޒާހިރެވެ. އެ ފަނޑިޔާރުންގެ ރައުޔުގައި ބުނެފައިވަނީ، އާއްމު މަސްލަހަތު ދެމެހެއްޓުމަށްޓަކައި މި މައްސަލައިގައި ވަގުތީ އަމުރެއް ނެރެދޭން ޖެހޭ ކަމަށެވެ.
ކިޔުންތެރިންގެ ސަމާލުކަމަށް
ރާއްޖޭގެ އިސްތިގުލާލު ގެއްލި މިނިވަންކަމަށް ބުރޫ އަރާނީ ވެރިކަމުގަ މިހާރު ތިބި ގަމާރުންނަށް ތަނެއްދޮރެއް ނޭނގޭތީ: ރައީސް ނަޝީދު
އެމްޑީޕީ ކޮންގްރެސްގެ ބައިވެރިންނާ ބައްދަލުކޮށް، އެޕާޓީގެ އަސާސީ ޤަވާއިދަށް ފައްޔާޒް ހުށަހަޅާ އިސްލާހުތަކާ ގުޅޭ މައުލޫމާތު ދެއްވައިފި
އެމްޑީޕީ ރިޔާސީ ޕްރައިމަރީގައި ވާދަކުރައްވާނެ ކަމަށް ހާމަކުރެއްވި ބޭފުުޅުންގެ ތެރެއިން ރަސްމާލެ ވިއްކާލުމާ ފާޅުގަ ދެކޮޅު ހަދަން ކެރިވަޑައިގަތީ ފައްޔާޒަށް އެކަނި: އަކްރަމް
އެމްޑީޕީގެ ވެރިކަމުގައި ޢާންމު ނުވާ މިންވަރަށް މަގުތައްމަތީ އޮރިޔާން އާންމުވެއްޖެ: ޝެއިޙް ޒަމްޒަމް ފާރިޝް
އީގަލް ހިލްސް ވެބްސައިޓުގަ ހާމަކޮށްފައިހުރި ސަރުކާރުން ހާމަނުކުރާ ބައެއް މައުލޫމާތު ކޮންމެވެސް ސަބަބަކާހުރެ އީގަލް ހިލްސްގެ ވެބްސައިޓުން ނަގައިފި
އީގަލް ހިލްސް ޕްރޮޖެކްޓުގެ ވަށައިގެންވާ ހުރިހާ ކަމެއް ރައްޔިތުންނަށް ހާމަކޮށްފައިނޫނީ އެ މަޝްރޫއު ކުރިއަށް ނުގެންދަން ފައްޔާޒު ގޮވާލައްވައިފި
ޚިޔާލުތައް (0)
މި ލިޔުމަށް އަދި އެއްވެސް ޚިޔާލެއް ޝާއިޢުކުރެވިފައެއް ނެތް. ފުރަތަމަ ޚިޔާލު ފާޅުކުރައްވާ ފަރާތަކަށް ވެލައްވާ!