ރަސްމީ ދަތުރުފުޅެއްގައި އަސްލަމް ޔުގަންޑާއަށް ފުރާވަޑައިގެންފި

ރައްޔިތުންގެ މަޖިލީހުގެ ރައީސް އަދި ހިތަދޫ ދާއިރާގެ މެންބަރު މުހައްމަދު އަސްލަމް ރަސްމީ ދަތުރުފުޅެއްގައި ޔުގަންޑާއަށް ފުރާވަޑައިގެންފިއެވެ. ރައްޔިތުންގެ މަޖިލީހުގެ އިދާރާއިން ބުނީ، ކޮމަންވެލްތްގައި ހިމެނިވަޑައިގަންނަވާ ގާނޫނު ހަދާ މަޖިލިސްތަކުގެ ރައީސުންނާއި އޮފިސަރުންގެ 27 ވަނަ ކޮންފަރެންސްގައި ބައިވެރިވެވަޑައިގެންނެވުމަށް، ރައްޔިތުންގެ މަޖިލީހުގެ ރައީސް މުހައްމަދު އަސްލަމް ޔުގަންޑާއަށް ފުރާވަޑައިގެންފައިވާ ކަމަށެވެ. ނަމަވެސް މި ދަތުރުފުޅަށްފަހު އަސްލަމް އެނބުރި ރާއްޖެ ވަޑައިގަންނަވާނެ ދުވަހެއް މަޖިލީހުން އަދި ހާމަކޮށްފައެއް ނުވެއެވެ. މަޖިލީހުގެ މި ދައުރަށް މިހާރު ނިންމާލާފައިވާއިރު، ރައީސް ޑރ. މުހައްމަދު މުއިއްޒުގެ ކެބިނެޓަށް ރުހުން ދިނުން މަޖިލީހުން ލަސް ކުރަމުންފާތީ އެކަމުގެ ފާޑުކިޔުން ވަނީ އަމާޒުވެފައެވެ.