ރަމަޟާން މަހާ ދިމާކޮށް މުދާވިއްކާ ތަންތަން ހުޅުވާފައި ބެހެޓޭނެ ވަގުތު އިތުރު ކޮށްފި

ރަމަޟާން މަހާ ދިމާކޮށް މާދަމާ އިން ފެށިގެން މުދާވިއްކާ ތަންތަން ހުޅުވާފައި ބެހެޓޭނެ ވަގުތު އިތުރު ކޮށްފިއެވެ. އިކޮނޮމިކް މިނިސްޓްރީން ކުރި އިއުލާނުގައި ބުނެފައިވަނީ މާދަމާ އިން ފެށިގެން ރަމަޟާން މަހުގެ ރޭތަކާއި ޝައްވާލްމަހުގެ ފުރަތަމަ ހަތް ދުވަހު މުދާ ވިއްކާ ތަންތަން ހުޅުވާފައި ބެހެޓޭނެ ވަގުތު އިތުރު ކޮށްފައިވާ ކަމަށެވެ. މިގޮތުން މުދާވިއްކާ ތަންތަން ފަތިހު 5:30 އިން ދަންވަރު 1:00 އަށް ހުޅުވާފައި ބެހެއްޓޭނެ ކަމަށް އިކޮނޮމިކް މިނިސްޓްރީން ވަނީ ބުނެފައެވެ. އެހެންކަމުން އިކޮނަމިކް މިނިސްޓްރީން ވަނީ އަތޮޅުތެރޭ މީހުން ދިރިއުޅޭ ރަށްތަކުގައި މުދާ ވިއްކަން ހިންގާ ތަންތަނުން ވެސް މިގަވާއިދަށް އަމަލު ކުރުމަށް އަންގާފައެވެ.