ރައީސް ޔާމީން ގެ މަންމާފުޅު އަވަހާރަވެއްޖެ

ކުރީގެ ރައީސް އަދި ޕީޕީއެއްމް ޕީއެންސީގެ ރިޔާސީ ކެނޑިޑޭޓް އަބްދުﷲ ޔާމީން އަބްދުލްގައްޔޫމްގެ މަންމާފުޅު ފާތިމަތު ހަސަން މިއަދު ހެނދުނުގެ ވަގުތެއްގައި ސްރީލަންކާގައި އަވަހާރަވެއްޖެއެވެ. މަންމާފުޅު އަވަހާރަވީ އިރު އުމުރުފުޅަކީ 86 އަހަރެވެ. އެކަމަނާ އަވަހާރަވީ  އާލާސްކަންފުޅާ އުޅުއްވާތާ ގިނަ ދުވަސްތަކެއް ފަހުންނެވެ. މައުލޫމާތު ލިބިފައިވާ ގޮތުގައި ރައީސް ޔާމީންގެ މަންމާފުޅުގެ ޖަނާޒާ އޮތީ މިރޭގެ ވަގުތެއްގައެވެ. މަންމާފުޅު އަވަހާރަވި އިރު ރައީސް ޔާމީން ހުންނެވީ އެމްއެމްޕީއާރުސީގެ ހިޔާނާތުގެ ކުށްސާބިތުވެ 11 އަހަރުގެ ޖަލުހުކުމެއްގައެވެ. ރިޝްވަތު ހިފުމުގެ ކުށާއި މަނީލޯންޑާ ކުރުމުގެ ކުށް ސާބިތުވެ ރައީސް ޔާމީން އަށް 11 އަހަރަށް ޖަލަށްލާން ކްރިމިނަލް ކޯޓުން ހުކުމް ކުރީ މިދިޔަ ޑިސެމްބަރުމަހުގެ 25 ގަ އެވެ.