ރައީސް ނުރަސްމީ ދަތުރުފުޅެއްގައި ސިންގަޕޫރަށް

ރައިސުލް ޖުމްހޫރިއްޔާ އިބްރާހިމް މުހައްމަދު ސޯލިހު ނުރަސްމީ ދަތުރުފުޅެއްގައި މިއަދު ސިންގަޕޫރަށް ފުރާ ވަޑައިގަންނަވާނެ އެވެ. ރައީސް އޮފީހުގެ ތަރުޖަމާން މިއުވާން މުހައްމްދު ވިދާޅުވީ ރައީސްގެ މި ދަތުރުފުޅު ނިންމަވާލެއްވުމަށް ފަހު އެނބުރި ވަޑައިގަންނަވާނީ، އަންނަ ހޮނިހިރު ދުވަހު ކަމަށެވެ. ރައީސް ސޯލިހު ވަރަށް ގިނައިން ސިންގަޕޫރަށް ވަޑައިގަންނަ ވައެވެ. މިދިޔަ އަހަރު އެ މަނިކުފާނު ވަނީ، ސިންގަޕޫރުގައި ތައިރޮއިޑް އޮޕަރޭޝަނެއްކުރައްވާފައެެވެ.  މިދިޔަ ފެބްރުއަރީ މަހު ވެސް ރައީސް ސިންގަޕޫރަށް ވަޑައިގެންނެވި އެވެ. ކުރިން ރައީސް އޮފީހުން ބުނެފައިވަނީ، ތައިރޮއިޑް އާލާސްކަންފުޅުގެ ފޮލޯއަޕް އަށް ސިންގަޕޫރަށް ވަޑަގަންނަވަން ޖެހިވަޑައިގަންނަވާ ކަމަށެވެ. ނަމަވެސް މިފަހަރުގެ ދަތުރު ފުޅުގެ ތަފްސީލެއް ނުދެއްވައެެވެ.