ރައީސް ނަޝީދު ވިދާޅުވަނީ އިންޑިއާއާ ދުރުވެގެން ރާއްޖެއަށް ވާނެ މޮޅެއް ނެތް ކަމަށް
ރައީސް ނަޝީދު ވިދާޅުވަނީ އިންޑިއާއާ ދުރުވެގެން ރާއްޖެއަށް ވާނެ މޮޅެއް ނެތް ކަމަށް
ލިޔުން:
އިންޑިއާއަކީ ކުރިއަރަމުން އަންނަ ބޮޑު ބާރެއް ކަމަށާއި އިންޑިއާއާ ދުރުވުމުން ރާއްޖެ ނާޒުކުވެއްޖެ ކަމަށް ކުރީގެ ރައީސް މުޙައްމަދު ނަޝީދު ވިދާޅުވެއްޖެ އެވެ.
ސިޔާސީ ކަންކަމުން ދުރުވެ, ރާއްޖެއިން ބޭރުގައި ދިރިއުޅުއްވަމުން ގެންދަވާ މަޖިލީހުގެ ރައީސްކަން ވެސް ކުރެއްވި ނަޝީދު މިފަދައިން ވިދާޅުވެފައިވަނީ ލަންކާއަށް ކުރައްވަމުން ގެންދަވާ ދަތުރުފުޅެއްގައި އެ ޤައުމުގެ ނޫހަކަށް ދެއްވި އިންޓަރވިއުއެއްގަ އެވެ.
"އިންޑިޔާ އަކީ ހަލުވިކަމާއެކު ތަރައްޤީވަމުން އަންނަ ޤައުމެއް، އެ ތަރައްޤީގެ ތެރެއަށް ވަންނަން އެބަޖެހޭ،"
އިންޑިއާއަށް ވަރަށް ބޮޑަށް ތައުރީފް ކުރައްވަމުން ރައީސް ނަޝީދު ވިދާޅުވީ, ރާއްޖޭގެ ސަލާމަތަށް އިންޑިއާއިން އަބަދުވެސް މުހިންމު ރޯލެއް އަދާ ކުރަމުން އަންނަ ކަމަށެވެ.
"1998 ވަނަ އަހަރު ދިވެހި ސަރުކާރު ވައްޓާލަން ބަޣާވާތެއް ކުރި. އިންޑިއާގެ އެހީގައި އެކަން ވަނީ ނާކާމިޔާބުކޮށްފަ. މަދު ބަޔަކަށް އައިސް އަޅުގަނޑުމެންގެ ކުޑަކުޑަ ޖަޒީރާ ޤައުމު ހަލަބޮލި ކޮށްލެވިދާނެ. އަޅުގަނޑުގެ ނަޒަރުގައި، އިންޑިއާއާ ދުރުވުމަށް ފަހު، މިހާރު އަޅުގަނޑުމެން މިތިބީ، ކުރިއަށްވުރެ މާ ބޮޑަށް ނާޒުކުވެފައި،" ނަޝީދު ވިދާޅުވި އެވެ.
ރައީސް ނަޝީދު އިތުރަށް ވިދާޅުވީ, އިންޑިއާއާއެކު ރާއްޖެއިން ގާތް ގުޅުމެއް ބާއްވަމުން އަންނަތާ ޒަމާންތަކެއް ވެފައިވާ ކަމަށާއި އިންޑިއާއާއި ދެކޮޅަށް އެއްވެސް ކަމެއް ކުރުމަކީ ރަނގަޅު ގޮތެއް ނޫންކަމަށެވެ. އިންޑިއާ ބޮޑު ބާރަކަށް ވުމަށް ކުދި ގައުމުތަކަށް އެހީތެރިވާން ޖެހޭ ކަމަށާއި އިންޑިއާގެ އަމިއްލަ މޮޑެލްއެއް އުފައްދައިގެން ނޫނީ ދުނިޔޭގެ "ސުޕަޕަވަރަކަށް" ނުވެވޭނެ ކަމަށް ރައީސް ނަޝީދު ވިދާޅުވި އެވެ.
ތަކުރާރުކޮށް އިންޑިއާގެ ދިފާއުގައި ވާހަކަ ދައްކަވާ ނަޝީދު ވަނީ ލަންކާ ނޫހަށް ދެއްވި އިންޓަވިއުގައި ޗައިނާއަށް ވަރަށް ބޮޑަށް ފާޑުވިދާޅުވެފަ އެވެ. ރައީސް ނަޝީދު ވިދާޅުވާ ގޮތުގައި މިއަދުގެ ސަރުކާރުން އިންޑިއާ ދުރުކޮށް ޗައިނާއާއިއެކު ދަނީ ގުޅުން ބަދަހިކުރަމުންނެވެ.
ދިވެހި ސަރުކާރުން އިންޑިއާއާއި ދުރުވުން ކަމުގައި ރައީސް ނަޝީދު ސިފަކުރައްވާފައި މިވަނީ ރާއްޖޭގައި ތިބި އިންޑިއާ ސިފައިން އަނބުރާ އެގައުމަށް ފޮނުވާލުންކަމުގައި ބެލެވެ އެވެ. އެމަނިކުފާނު ވަނީ ރާއްޖޭގެ ސަލާމަތާއި ރައްކާތެރިކަން ކަށަވަރު ކުރުމަށް އަދި ރާއްޖޭގެ ކަނޑުގެ ސަރަހައްދު ހިމާޔަތް ކުރުމަށް އިންޑިއާގެ އެހީތެރިކަން ހޯދުމަށްވެސް ބާރު އަޅުއްވައިފަ އެވެ.
ކިޔުންތެރިންގެ ސަމާލުކަމަށް
ރާއްޖޭގެ އިސްތިގުލާލު ގެއްލި މިނިވަންކަމަށް ބުރޫ އަރާނީ ވެރިކަމުގަ މިހާރު ތިބި ގަމާރުންނަށް ތަނެއްދޮރެއް ނޭނގޭތީ: ރައީސް ނަޝީދު
އެމްޑީޕީ ކޮންގްރެސްގެ ބައިވެރިންނާ ބައްދަލުކޮށް، އެޕާޓީގެ އަސާސީ ޤަވާއިދަށް ފައްޔާޒް ހުށަހަޅާ އިސްލާހުތަކާ ގުޅޭ މައުލޫމާތު ދެއްވައިފި
އެމްޑީޕީ ރިޔާސީ ޕްރައިމަރީގައި ވާދަކުރައްވާނެ ކަމަށް ހާމަކުރެއްވި ބޭފުުޅުންގެ ތެރެއިން ރަސްމާލެ ވިއްކާލުމާ ފާޅުގަ ދެކޮޅު ހަދަން ކެރިވަޑައިގަތީ ފައްޔާޒަށް އެކަނި: އަކްރަމް
އެމްޑީޕީގެ ވެރިކަމުގައި ޢާންމު ނުވާ މިންވަރަށް މަގުތައްމަތީ އޮރިޔާން އާންމުވެއްޖެ: ޝެއިޙް ޒަމްޒަމް ފާރިޝް
އީގަލް ހިލްސް ވެބްސައިޓުގަ ހާމަކޮށްފައިހުރި ސަރުކާރުން ހާމަނުކުރާ ބައެއް މައުލޫމާތު ކޮންމެވެސް ސަބަބަކާހުރެ އީގަލް ހިލްސްގެ ވެބްސައިޓުން ނަގައިފި
އީގަލް ހިލްސް ޕްރޮޖެކްޓުގެ ވަށައިގެންވާ ހުރިހާ ކަމެއް ރައްޔިތުންނަށް ހާމަކޮށްފައިނޫނީ އެ މަޝްރޫއު ކުރިއަށް ނުގެންދަން ފައްޔާޒު ގޮވާލައްވައިފި
ޚިޔާލުތައް (0)
މި ލިޔުމަށް އަދި އެއްވެސް ޚިޔާލެއް ޝާއިޢުކުރެވިފައެއް ނެތް. ފުރަތަމަ ޚިޔާލު ފާޅުކުރައްވާ ފަރާތަކަށް ވެލައްވާ!