ގއ. ވިލިނގިލީގައި ބައިސްކަލަކާއި ރޭސިން ކާރެއް ޖެހި ހިނގި ނުރައްކާތެރި އެކްސިޑެންޓުގައި ބައިސްކަލާއި ކާރު ދުއްވަން ތިބި 2 މީހުންނަށްވެސް ހޮސްޕިޓަލް ގައި ފަރުވާދެމުން އަންނަ ކަމަށް ފުލުހުން ބުނެފިއެވެ.
އެ އެކްސިޑެންޓާ ގުޅޭގޮތުން ފުލުހުން ބުނެފައިވަނީ އެ އެކްސިޑެންޓް ހިނގާފައި ވަނީ އިއްޔެ ހަވރު އިއްޔެ 5:30 އެކާށްހާއިރު ވިލިނގިލީ އަލިކަތީބު މަގު އިރުން ހުޅަނގަަށް ދުއްވާފައި ދިޔަ ކާރެއް، އޯކިޑުމަގުން އުތުރުން ދެކުނަށް ދިޔަ ބައިސްކަލަކާ ޖެހިގެން ކަމަށާއި އެ އެކްސިޑެންޓުގައި ކާރާއި ބައިސްކަލު ދުއްވި ދެ މީހުންނަށް ވެސް އަނިޔާވެފައިވާ ކަމަށެެވެ.
އެހެންކަމުން އެ 2 މީހުންވެސް ގއ. ހޮސްޕިޓަލުގައި އަންނަނީ ފަރުވާ ދެމުން ކަމަށާއި، އެކްސިޑެންޓް ހިނގަން މެދުވެރިވީ ކާރު އޯވަޓޭކް ކުރަން އުޅުމުން ކަމަށާއި ކާރު ދުއްވަން އިނީ ލައިސްނަސް ނެތް މީހެއް ކަމަށްވެސްް ފުލުހުން ބުނެފައިވެއެވެ.
