"ރާއްޖޭގެ ހުރިހާ ހިދުމަތްތެރިން އަޅުގަނޑާއެކު ރިޔާސީ ދަތުރުގައި ބައިވެރިވެވަޑައިގަންނަވާ": ގާސިމް

ރާއްޖޭގެ އެންމެހާ ކަންކޮޅުތަކުގައި ދިރިއުޅުއްވާ ޚިދުމަތްތެރީން ރިޔާސީ އިންތިހާބުގައި އެމަނިކުފާނާ ގުޅުމަށް އެ ޕާޓިގެ ލީޑަރު ގާސިމް އިބުރާހީމް އެދިވަޑައިގެންފިއެެވެ. ގާސިމް މިހެން އެދިވަޑައިގަތީ، ފ. އަތޮޅުގެ ދާއިރާއިން ގިނަ އަދަދެއްގެ މެންބަރުން ކުރި އުޅުނު ޕާޓީ ދޫކޮށް ޖޭޕީ އަށް ސޮއި ކުރުމާ ގުޅިގެންނެވެ. https://twitter.com/qasimibrahim/status/1656328454856642561?ref_src=twsrc%5Etfw%7Ctwcamp%5Etweetembed%7Ctwterm%5E1656328454856642561%7Ctwgr%5E0bc00b55c2fc8745b61fe5437ae3fd9aff847164%7Ctwcon%5Es1_&ref_url=https%3A%2F%2Fsangu.mv%2F102262%2F އެގޮތުން ފ.ނިލަންދޫ ދާއިރާއިން 56 މެމްބަރުން ޖޭޕީއަށް ސޮއި ކޮށްފައިވާ އިރު، ބިލެއްދޫ ދާއިރާއިން 60 މެމްބަރުން ވަނީ ޕާޓީއަށް ސޮއިކޮށްފައެވެ. އަލަށް ގުޅިވަޑައިގަތް އެންމެހާ މެންބަރުންނަށް މަރުހަބާ އާއި ޝުކުރުދަންނަވަމުން ގާސިމް ވިދާޅުވީ، ރާއްޖޭގެ އެކި ކަންކޮޅުތަކުން  ދިރިއުޅުއްވާ ޚިދުމަތްތެރީން އެމަނިކުފާނާއެކު ރިޔާސީ ދަތުރުގައި ބައިވެރިވުމަށް ދަޢުވަތު ދެއްވާކަމަށެވެ. "އަޅުގަނޑު އެދެނީ ރާއްޖޭގެ އެންމެހާ ކަންކޮޅުތަކުގައި ދިރިއުޅުއްވާ މިފަދަ ޚިދުމަތްތެރީން ޤައުމުގެ ހަމަޖެހުމާއި، ކުރިމަގަށްޓަކައި އަޅުގަނޑުމެންނާއި އެކު ސިޔާސީ ކަމަރު ބަންނަވާ، އަޅުގަނޑާއި އެކު ރިޔާސީ ދަތުރު ގައި ބައިވެރިވެލެއްވުމެވެ" ގާސިމް ވިދާޅުވިއެވެ.  މިއައަހަރު ބޭއްވުމަށް ހަމަޖެހިފައިވާ ރިޔާސީ އިންތިހާބަށް އެމަނިކުފާނު އެކަނި ނިކުންނަވަން ޖެހުނު ކަމުގައިވީނަމަވެސް އެކަން ކުރައްވާނެ ކަމަށް ގާސިމް ވަނީ ވިދާޅުވެފައެވެ.