ރާއްޖޭގެ ހުރިހާ އަތޮޅެއްގައި ތައުލީމީ ދާއިރާގެ މަޝްރޫއުތައް ކުރިއަށް އެބަދޭ: ސަރުކާރު

ތައުލީމީ ދާއިރާގެ އުމްރާނީ ތަރައްގީގެ ގިނަ މަޝްރޫއުތަކެއް ރާއްޖޭގެ ހުރިހާ އަތޮޅެއްގައި ވެސް ކުރިއަށް އެބަދާކަމަށް ސަރުކާރުން ބުނެފިއެވެ. މިއަދު ރައީސް އޮފީހުގައި އޮތް ނޫސްވެރިންގެ ބައްދަލުވުމެއްގައި ރައީސް އޮފީހުގެ ތަރުޖަމާނު މުހައްމަދު މިއުވާން ވިދާޅުވި، ތައުލީމީ ދާއިރާގެ ގިނަ މަސައްކަތްތަކެއް ކުރިއަށްދާ ކަމަށެވެ. އެގޮން އަތޮޅުތަކުގައި ކުރިއަށްދާ ޕްރޮޖެކްޓްތަކުގެ ޗާޓެއް، މިއުވާން ނޫސްވެރިންނާ ހިއްސާކުރެއްވިއެވެ. [caption id="attachment_89531" align="aligncenter" width="1220"] އަތޮޅުތަކުގައި ކުރިއަށްދާ ތައުލީމީ ދާއިރާގެ މަޝްރޫއު ތަކުގެ އަދަދު[/caption] މިއަުވާން ވިދާޅުވީ، މިސަރުކާރު ވެރިކަމަށް އައިއިރު އަތޮޅުތެރޭގައި ތައުލީމީ ދާއިރާގެ މާބޮޑު އުމްރާނީ ވަސީލަތްތަކެއް ގާއިމް ކުރެވިފައި ނެތްކަމަށެވެ. " ރައްޔިތުންގެ ސްކޫލުތަކެއް ގޮތަށް ސްކޫލުތައް ހިންގި އިރު ރަށުގަ ތިބި ފުދުންތެރި އާއިލާ ތަކުން ހަދާފަ ހުރި އިމާރާތް ތަަކަށް ކޮންމެ ވެސް ވަރެއްގެ ބަދަލުތަކެއް ގެނެސްފަ ހުރި ނަމަ ވެސް ޖުމްލަ ގޮތެއްގަ މާގިނަ މަސައްކަތްތަކެއް ކޮށްފަނެތް" މިއުވާން ވިދާޅުވިއެވެ. މިއުވާން ވިދާޅުވީ ، މިހާރު އެ ސްކޫލުތަކުގައި ގިނަ ކްލާސް ރޫމުތަކާ މަލްޓި ޕާޕަސް ހޯލުތަކާ ދަރިވަރުންނަށް ބޭނުންވާ އެހެނިހެން ވަސީލަތްތައް ގާއިމްކޮށްފައިވާކަމަށެވެ. މިހާރު ސްކޫލުތަކުގައި ކުރިއަށްދާ ތަރައްގީގެ މަޝްރޫއު ތަކުގެ އިތުރުން މަތީ ތައުލީމުގެ ދާއިރާގަ، ޓިވެޓް ސެންޓަރުތަކާ އެހެނިހެން ކަންކަން ގާއިމް ކުރުމުގެ މަސައްކަތް ވެސް ކުރިއަށްދާނެކަމަށް މިއުވާން ވިދާޅުވިއެވެ.