ރާއްޖޭގެ އެންމެ ފުރަތަމަ ޑިޖިޓަލް ކައުންސިލްގެ ލަގަބު ދާންދޫއަށް!

ރާއްޖޭގެ އެންމެ ފުރަތަމަ މުޅިން އެއްކޮށް ޑިގިޓަލް ކައުންސިލްގެ ލަގަބު ގއ. ދާންދޫއަށް ލިބިއްޖެއެވެ. ދާންދޫ ކައުންސިލުން ބުނީ، އެ ރަށު ކައުންސިލުންދޭ ހިދުމަތްތައް ޑިޖިޓަލް ކޮށް ދާންދޫ އަކީ ޑިޖިޓަލް ރަށަކަށް ހެދުމަށް ކުރެވުނު މަސައްކަތުގެ ތެރެއިން ފަހި ޕޭ މެދުވެރި ކޮށް މިހާރު ދާންދޫ ކައުންސިލުން ދޭ ހުރިހާ ހިދުމަތެއް ކޮންމެ ތާކު ހުރެގެންވެސް އޮންލައިން ކޮށް ފައިސާ ދެއްކޭނެ ކަމަށެވެ. އެގޮތުން މިއަދުން ފެށިގެން ފަހިޕޭ އާ ގުޅިގެން ދާންދޫ ކައުންސިލްގެ ޕޭމަންޓްތަށް ޑިޖިޓަލް ކުރެވިފައިވާ ކަމަށް ދާންދޫ ކައުންސިލުން ވަނީ ބުނެފައެވެ. މީގެ އިތުރުން އެ ކައުންސިލުން ބުނީ، އެ ހިދުމަތާ އެކު އެ ރަށް ވެގެން މިދިޔައީ ފަހި ޕޭ މެދުވެރިކޮށް ހުރިހާ ހިދުމަތަކަށް އޮންލައިން ކޮށް ފައިސާ ދެއްކޭ އެންމެ ފުރަތަމަ ކައުންސިލަށް ކަމަށެވެ. އެގޮތުން ދާންދޫ ކައުންސިލުން ވަނީ އެ ހިދުމަތުގެ އަގުވަޒަން ކޮށް ފަހި ޕޭ އަށް ޝުކުރު ދަންނަވާފައެވެ.