ރާއްޖެ ޓީވީން ގެނެސްދިން ކޮންޓެންޓެއްގެ މައްސަލަ މޯލްޑިވްސް ބްރޯޑްކާސްޓިން ކޮމިޝަން (ބްރޯޑްކޮމް) އިން ބަލަން ފަށައި، އެކަން އެ ޓީވީ ސްޓޭޝަނަށް އިއްޔެ އަންގައިފި އެވެ.
ބްރޯޑްކޮމްގެ ލީގަލް އެފެއާޒް ޑިރެކްޓަރު އައިޝަތު ހާދިޔާ މުހައްމަދު ސޮއިކޮށް، ރާއްޖެ ޓީވީއަށް ފޮނުވި ސިޓީއެއްގައި ވިދާޅުވީ އެ ކޮމިޝަނުން ބަލަމުންދަނީ ހުސްވި ޖެނުއަރީ މަހުގެ 26 ވަނަ ދުވަހު ގެނެސްދިން ކޮންޓެންޓެއް ކަމަށެވެ.
އެއީ "ދިވެހިން ހަމަ ފުނޑިއްޖެޔޭ، މިވަރު ދެން ފުދިއްޖެޔޭ،" ލަވައިގެ ކޮންޓެންޓު ކަމަށް ބްރޯޑްކޮމުން ބުންޏެވެ.
ވަކިގޮތެއް ކަނޑައަޅަންދެން އެ ކޮންޓެންޓް ރައްކާކޮށް، ބެހެއްޓުމަށް ބްރޯޑްކޮމުން އިލްތިމާސްކޮށްފައިވެ އެވެ.
