ރާއްޖެ ކައިރިން ބިންހެލުމެއް އަތުވެއްޖެ

އައްޑޫ ސިޓީއާއި، 5282 ކިލޯމީޓަރު ދުރުމިނުންް، އިންޑިއާ ކަނޑުގައި ބިންހެލުމެއް އުފެދިއްޖެއެވެ. މޫސުމާ ބެހޭ ގައުމީ އިދާރާ (މެޓް އޮފީސް) އިން ހާމަކުރެއްވި ގޮތުގައި، 6.2 މެގްނިޓިއުޑްގެ ބިންހެލުން އައިސްފައިވަނީ، ރޭ ދަންވަރު 3:09ގަ އެވެ. [embed]https://twitter.com/MetMaldives/status/1748836083851485493[/embed] އިންޑިއަން ރިޖުގައި އުފެދުނު މި ބިންހެލުމުގެ އަސަރު ރާއްޖެއަށް ކުރާނެކަމަށް ނުފެންނަކަމަށް ވެސް މެޓް އޮފީހުން ބުންޏެވެ. މިމަހުގެ 6 ވަނަ ދުވަހު ވެސް އައްޑޫއާއި 894 ކިލޯމީޓަރު ދުރުން 5.6 މެގްނިޓިއުޑްގެ ބިންހެލުމެއް އައިސްފައިވާ ކަމަށް މެޓުން ވަނީ ބުނެފައެވެ. އެ ބިންހެލުމުގެ ސަބަބުން ވެސް ރާއްޖެއަށް އަސަރެއް ނުކުރެއެވެ.