ރާއްޖޭގެ ދެކުނުގައި ތޫފާނެއް، ރާއްޖެއަށް ސީދާ އަސަރެއް ނުކުރާނެ: މެޓް އޮފީސް

ރާއްޖޭގެ އިރުދެކުނުގައި އުފެދިފައިވާ "ފެބިއެން" ތޫފާނުގެ ސީދާ އަސަރު ރާއްޖެއަށް ނުކުރާނެކަމަށް މޯލްޑިވްސް މީޓިއޮރޯލޮޖިކަލް ސާވިސް (މެޓް އޮފީހުން) ބުނެފިއެވެ. މެޓް އޮފީހުން ބުނީ ތޫފާން 'ފެބިއަން'ގެ ނަމުން ނަން ދެވިފައިވާ އެ ތޫފާނު ދަތުރުކުރަމުން ދަނީ ރާއްޖެއާ ދުރަށް ކަމަށެވެ. އެހެން ކަމުން އެ ތޫފާނުގެ ސީދާ އަސަރު ރާއްޖެއަށް ނުކުރާނެ ކަމަށް އެ އިދާރާއިން ބުންޏެވެ. މެޓް އޮފީހުން ބުނީ، މީގެ ހަތަރު ދުވަސްކުރިން ބޭ އޮފް ބެންގާލްގައި އުފެދުނު ތޫފާނު "މޮކާ"ގެ ބާރުވެސް ދަށްވެ، ރާއްޖެއާއި ދުރަށް ދަތުރުކޮށްފައިވާކަމަށެވެ. އެހެންކަމުން އެ ތޫފާނުގެ ސީދާ އަސަރު ރާއްޖެއަށް ކުރަމުން ނުދާކަމަށް މެޓް އޮފީހުން ބުންޏެވެ. ބޭ އޮފް ބެންގާލްގައި އުފެދުނު 'މޮކާ' ތޫފާނު މިހާރު ބަންގްލަދޭޝާއި މިޔަންމާގެ އައްސޭރިފަށަށް އަރާފައިވާ ކަމަށް ވެސް މެޓް އޮފީހުން ބުންޏެވެ. އެ ދެ ތޫފާނުގެ ސީދާ އަސަރު ރާއްޖެއަށް ނުކުރި ނަމަވެސް ރާއްޖޭގެ ބޮޑު ބަޔަކަށް ވިއްސާރަކޮށް ބައެއް ރަށްތަކަށް ގުގުރުމާ އެކު ބޯކޮށް ވާރޭ ވެހޭނެ ކަމަށް މެޓް އޮފީހުން ބުންޏެވެ. މެޓް އޮފީހުން ބުނީ އެ ދެ ތޫފާނުގެ އަސަރު ރާއްޖެއަށް ނުކުރި ނަމަވެސް ރާއްޖޭގެ ބޮޑު ބަޔަކަށް ވިއްސާރަކޮށް ބައެއް ރަށްތަކަށް ގުގުރުމާ އެކު ބޯކޮށް ވާރޭ ވެހޭނެ ކަމަށެވެ. އެގޮތުން މެޓް އޮފީހުން ބުނީ، މިހާރު ރާއްޖޭއަށް ކުރަމުން ދާ ވިއްސާރައާއި މެދު ރާއްޖެތެރޭގެ ރަށްތަކަށް މޫސުން ގޯސްވާނެކަމަށާއި، އެކި ހިސާބަށް ވިއްސާރަކޮށް، ގުގުރާނެ ކަމަށެވެ. އަދި, ދެކުނުގެ އަތޮޅުތަކަށް ކެރީގެ އަސަރު ފޯރާނެ ކަމަށް ވެސް މެޓް އޮފީހުން ބުންޏެވެ. މީގެ އިތުރުން ވިލާގަނޑުގައި ކަނޑުތައްވެސް ގަދަވާނެތީ، މޫސުމަށް ސަމާލުވުމަށް މެޓް އޮފީހުން ވަނީ އިލްތިމާސްކޮށްފައެވެ.