"ޕްރެކްޓިސް ޕާލިމެންޓް ފޯ ވިމެން" ގައި ބައިވެރިވުމަށް ފުރުސަތު ހުޅުވާލައިފި

"ޕްރެކްޓިސް ޕާލިމެންޓް ފޯ ވިމެން" ޕްރޮގްރާމުގައި ބައިވެރިވުމުގެ ފުރުސަތު ހުޅުވާލާފި އެވެ. މި ޕްރޮގްރާމްގައި ބައިވެރިވާން ޝައުގުވެރިވާ ފަރާތްތަކަށް އެޕްލައި ކުރުމުގެ ފުރުސަތު ވަނީ މި މަހުގެ 27 އާ ހަމައަށް ހުޅުވާލެވިފައެވެ. އެގޮތުން، ރައްޔިތުންގެ މަޖިލީހާއި ޔޫއެންޑީޕީ މޯލްޑިވްސް އާއި އޮސްޓްރޭލިއަން އެއިޑާއި ސޯޝަލް މިނިސްޓްރީ ގުޅިގެން ހިންގާ މި ޕްރޮގުރާމުގައި ބައިވެރިވުމުގެ ފުރުސަތު ހުޅުވާލާފައި ވަނީ 25 އަހަރުން މަތީގެ އަންހެނުންނަށެވެ. https://twitter.com/UNDPMaldives/status/1749746348029882556 އަންނަ މަހުގެ 18 އިން ފެށިގެން 24 އަށް މާލޭގައި ބާއްވަން ހަމަޖެހިފައިވާ މި ޕްރޮގުރާމުގައި ބައިވެރިން ހޮވާނީ ބެޗްތަކަކަށް ބަހާލައިގެން ކަމަށް ޔޫއެންޑިޕީން ބުނެފައިވެއެވެ. އެގޮތުން ކޮންމެ ބެޗަކުން 40 މީހަކަށް ފުރުސަތު ދޭނެ ކަމަށާއި ޕްރޮގްރާމަށް ބައިވެރިން ހޮވާއިރު، ސިޔާސީ ޕާޓީތަކާއި އަންހެނުންގެ ތަރައްގީއަށް މަސައްކަތްކުރާ ކޮމިޓީތަކާއި އެންޖީއޯތަކުގައި ހަރަކާތްތެރިވެފައިވާ މިންވަރަށް ބަލާނެ ކަމަށް ވެސް ބުނެފައިވެއެވެ. "ޕްރެކްޓިސް ޕާލިމެންޓް ފޯރ ވިމެން" އަކީ 2021 ގައި ފެށިގެން ކުރިއަށްގެންދާ ޕްރޮގްރާމެކެވެ.