ޕާސްޕޯޓް ހެދުމުގެ ހިދުމަތް މިއަދު މެދުކަނޑާލައިފި

އިމިގްރޭޝަނަށް ދިމަވި ޓެކްނިކަލް މައްސަލައަކާއި ގުޅިގެން ޕާސްޕޯޓު ހެދުމުގެ ހިދުމަތް މިއަދު މެދުކަނޑާލައިފިއެވެ. އިމިގްރޭޝަނުން މިއަދު ކުރި ޓުވީޓެއްގައި ބުނީ ޓެކްނިކަލް މައްސަލަތަކެއް ދިމާވެ ޕާސްޕޯޓުގެ ހިދުމަތް ދިނުމަށް ދަތިވެފައިވާ ކަމަށާއި އެ ހިދުމަތް އަލުން ފެށުމަށް ކުރެވެން ހުރި ހުރިހާ މަސައްކަތެއް މިހާރު ކުރަމުން އަންނަ ކަމަށެވެ. މިއަދު މެންދުރު އަލުން ހިދުމަތް ދެވެން ފެށޭވަރު ވާނެ ކަމަށް ވެސް އިމިގްރޭޝަނުން ބުނެފައިވެއެވެ. [embed]https://twitter.com/ImmigrationMV/status/1656160840750604293?s=20[/embed] ސްކޫލް ޗުއްޓީ ފެށެން ކައިރި ވުމުގެ ސަބަބުން މި ދުވަސްވަރު ޕާސްޕޯޓު ހަދަން ހުށަހަޅާ މީހުންގެ އަދަދު ވަރަށް ބޮޑަށް އިތުރުވަމުން އަންނަ ކަމަށް އެ އިދާރާއިން ބުނެއެވެ. އިމިގްރޭޝަނުން ބުނީ ދުވާލަކު އެވްރެޖުކޮށް 300 ޕާސްޕޯޓު ހަދަން ހުށަހަޅާއިރު، 200 އަށް ވުރެ ގިނަ ޕާސްޕޯޓު ދޫކުރާ ކަމަށެވެ.