ޕާސްޕޯޓު ހެދުމުގެ ހިދުމަތް ދެމުން އައި ވަގުތު އިތުރު ކޮށްފި

ޕާސްޕޯޓުގެ ހިދުމަތް ދެމުންއައި ވަގުތު އިމިގްރޭޝަން އިން އިތުރު ކުރަން ނިންމައިފިއެވެ. އިމިގްރޭޝަން ކޮންޓްރޯލަރު މުހައްމަދު އަހުމަދު ހުސައިން (ހަނަފީ) ވިދާޅުވީ، ޕާސްޕޯޓު ހިދުމަތް އެއްކޮށް ޖިގިޓަލައިޒްކޮށް،  ހިދުމަތްދޭ ވަގުތު ރޭގަނޑު 9 އަކާއި ހަމައަށް އިތުރުކުރަން އިމިގްރޭޝަނުން ނިންމައިފައިވާ ކަމަށެވެ. މީގެ އިތުރުން ހަނަފީ ވިދާޅުވީ، މި ބަދަލުތަކަކީ ރައްޔިތުން އެދޭފަދަ، ލުއި ފަސޭހަ އަދި އަވަސް ހިދުމަތެއް ފޯރުކޮށްދިނުމަށް ގެނެވުނު މުހިންމު ބަދަލުތަކެއް ކަމަށެވެ. "ރައީސް ސޯލިހު އިސްވެ ހުންނަވައި، އަޅުގަނޑުމެން ކެނޑިނޭޅި މި ކުރާ މަސައްކަތަކީ، ރައްޔިތުންނަށް ލުއިފަސޭހަ ހިދުމަތެއް ފޯރުކޮށްދިނުން" ހަނަފީ ވިދާޅުވިއެވެ. https://twitter.com/ImmigrationMV/status/1676204164320473089 މީގެ ކުރިން އިމިގްރޭޝަން ހިދުމަތް ދެމުން އައީ ހެނދުނު 8:00 އިން މެނދުރު ފަހު 2:00 އާއި ހަމައަށް ރަސްމީ ދުވަސް ތަކުގައެކަންޏެވެ. ނަމަވެސް މި ވަގުތު ތަކަށް ބޮޑެތި ބަދަލު ތަކެއްގެނެސް އިމިގްރޭޝަންއިން ބުނީ އަމާޒަކީ ރައްޔިތުންނަށް ލުއިފަސޭހަކަމާއެކު ހިދުމަތްތައް އަބަދުވެސް ހޯދޭނެ މަގު ތަނަވަސް ކޮށްދިނުންކަމަށެވެ.