
ޕާކްކޮށްފައި އޮތް ވެހިކަލްގައި ޖެހި އެކްސިޑެންޓްވި ޒުވާނާ މަރުވެއްޖެ
ޕާކްކޮށްފައި އޮތް ވެހިކަލްގައި ޖެހި އެކްސިޑެންޓްވި ޒުވާނާ މަރުވެއްޖެ
ލިޔުން:
ހުޅުމާލޭގައި ޕާކުކޮށްފައި އޮތް ވޭނެއްގައި ބާރު ސްޕީޑުގައި ދުއްވި ސައިކަލެއް ޖެހި ނުރައްކާތެރި އެކްސިޑެންޓުގައި އަނިޔާވި ޒުވާނާ މިއަދު މަރުވެއްޖެއެވެ.
މި އެކްސިޑެންޓް ހިނގާފައިވަނީ ހޯމަދުވަހުގެ ދަންވަރުގެ ވަގުތެއްގައެވެ. އެކްސިޑެންޓްގައި މަރުވެފައިވަނީ ކ. ހުރައަށް ނިސްބަތްވާ އުމުރުން 19 އަހަރުގެ މުޙައްމަދު ލަޔާން ޝަރީފެވެ.
އެ އެކްސިޑެންޓު ހިނގާފައި ވަނީ ހުޅުމާލޭ ގުލްއަލާމާ ހިނގުމުން ހުޅަނގުން އިރަށް، ބާރު ސްޕީޑުގައި ދުއްވާފައި ދިޔަ ސައިކަލު، އިމިގްރޭޝަން ޑިޓެންޝަން ސެންޓަރު ކުރިމަތީ އޮތް ވޭނެއްގައި ޖެހިގެން ކަމަށެވެ. އެއީ އިމިގްރޭޝަނުގެ ވޭނެކެވެ.
އެކްސިޑެންޓަށްފަހު ލަޔާން މަރުވީ ޓްރީޓޮޕް ހޮސްޕިޓަލުގައި ފަރުވާދެމުން ދަނިކޮށެވެ. މި އެކްސިޑެންޓުގައި ލަޔާންގެ މޭކަށިގަނޑާއި، ބޮލަށާއި، ފުއްޕާމެއަށް ވަނީ ސީރިއަސް އަނިޔާތަކެއް ވެފައެވެ.
މި އެކްސިޑެންޓުގައި އޭނާ ދުއްވި ސައިކަލު ވެސް އޮތީ ވަރަށް ބޮޑަށް ހަލާކުވެފައެވެ. ހަމައެއާއެކު ވޭނަށް ވެސް ވަރަށް ބޮޑަށް އޮތީ ގެއްލުންވެފައެވެ.
މި ފަހަކަށް އައިސް މާލެ ސަރަހައްދުގައި ހިނގާ އެކްސިޑެންޓުތަކުގެ އަދަދު އިތުރުވަމުން އަންނަކަމަށް ފުލުހުން ބުނެއެވެ. މިގޮތުން މިއަހަރުގެ ފުރަތަމަ ދެމަސްދުވަހު މާލެ ސަރަހައްދުގައި 450 ހަށްވުރެ ގިނަ އެކްސިޑެންޓް ވަނީ ހިނގާފައެވެ.
ކިޔުންތެރިންގެ ސަމާލުކަމަށް

އަބްދުﷲ ޝާހިދުގެ ބަންދަށް 30 ދުވަސް ޖަހައި

މަސްތުވާތަކެތީގެ މައްސަލައެއްގައި އަންހެނަކާ 3 ފިރިހެނަކު މާލެއިން ހައްޔަރުކޮށްފި

ކުޑަ ކުއްޖަކާ ބެހުނު މައްސަލައެއްގައި އަބްދުﷲ ޝާހިދު ހައްޔަރުކޮށްފި

ރަތްޔިތުންގެ ވޯޓަކާ ނުލައި ރަސްމާލެ ވިއްކާލާނަމަ އިހުތިޖާޖުކުރަން އެމްޑީޕީ އިން ނިންމައިފި

އިޓްލޮސް މައްސަލާގައި ކަނޑުން ބައެއް ގެއްލުނީ އިހުމާލުންތޯ ބަލަން ކޮމިޝަނެއް އުފައްދައިފި

ސްކޭމްކޮށްގެން ފައިސާ ފޭރޭ ކަމުގެ ތުހުމަތުގައި 4 މީހަކު ހައްޔަރުކޮށްފި
ޚިޔާލުތައް (0)
މި ލިޔުމަށް އަދި އެއްވެސް ޚިޔާލެއް ޝާއިޢުކުރެވިފައެއް ނެތް. ފުރަތަމަ ޚިޔާލު ފާޅުކުރައްވާ ފަރާތަކަށް ވެލައްވާ!
