އޮމާން އެއާގެ ދަތުރުތައް މި މަހު ރާއްޖެ އަށް ފަށަނީ

މެދުއިރުމަތީގެ މަޝްހޫރު ގައުމެއް ކަމަށްވާ އޮމާންގެ ގައުމީ އެއާލައިންގެ ދަތުރުތައް މި މަހު ރާއްޖެ އަށް ފަށަން ތައްޔާރުވެއްޖެއެވެ. އޮމާން އެއާގެ ދަތުރުތައް ރާއްޖެއަށް ފަށަން ހަމަޖެހިފައިވަނީ މި މަހުގެ 24 ވަނަ ދުވަހުން ފެށިގެންނެވެ. މިކަމުގެ އެންމެ ފަހުގެ ތައްޔާރީތައް ވަމުން އަންނަ އިރު މި ދަތުރުތައް ބާއްވާނީ ރާއްޖޭގެ މައި އެއާޕޯޓް، ވެލާނާ އިންޓަނޭޝަނަލް އެއާޕޯޓަށެވެ. 50 ބޯޓާއެކު އޮމާން އޭވިއޭޝަން ގްރޫޕުން އޮޕަރޭޓްކުރާ މި އެއާލައިންގެ ހިދުމަތް ފަށާފައިވަނީ މީގެ 30 އަހަރު (1993) ކުރީގައެވެ. މިހާރު މި އެއާލައިން ދުނިޔޭގެ 53 މަޒިލަކަށް އުދުހެއެވެ. އޮމާން އެއާގެ އިތުރުން، ރާއްޖޭ އަށް މިހާރު ވެސް އަންނަނީ ބޭރުގެ 35 އެއާލައިނަކުން ދަތުރުތަައް ބާއްވަމުންނެވެ.